Ilezi 112:1-10
112 Wha jiri Jah!*+
א [Alẹf]
Eva e were ohwo nọ ọ rẹ dhozọ Jihova,+ב [Bet]Ọnọ izi riẹ e rẹ were gaga.+
ג [Gimẹl]
2 Ahwo uyẹ riẹ a te jọ gaga* evaọ otọakpọ na,ד [Dalẹt]Yọ oghale u ti te oge enọ i kiete.+
ה [He]
3 Efe gbe ekwakwa iwoma buobu e rrọ uwou riẹ,ו [Whọọ]Yọ ẹrẹreokie riẹ ọ rẹ jọ bẹdẹ bẹdẹ.
ז [Zayin]
4 O re lo kẹ ikiẹrẹe na wọhọ ukpẹ evaọ ebi.+
ח [Hẹt]
O wo ọdawẹ* gbe ohrọ-oriọ,+ o te je kiẹrẹe.
ט [Tet]
5 U re kiehọ kẹ ohwo nọ o re momo kẹ amọfa ro fiobọhọ* kẹ ae.+
י [Yod]
Ọ rẹ rehọ uvioziẹ ru eware riẹ.
כ [Kaf]
6 Oware ovuovo u re nuhu iei hi.+
ל [Lamẹd]
A te kareghẹhọ okiẹrẹe na bẹdẹ bẹdẹ.+
מ [Mem]
7 Ọ rẹ dhozọ ekpehre usi hi.+
נ [Nun]
Udu riẹ o rrọ kothi, o fievahọ Jihova.+
ס [Samẹk]
8 Udu riẹ u re nuhu hu;* ozọ u re mu ei hi;+ע [Ayin]Evaọ ukuhọ riẹ o ti rri ewegrẹ riẹ avọ oghọghọ obokparọ.+
פ [Pe]
9 Ọ ghale eware kẹ ahwo buobu;* ọ kẹ iyogbe na.+
צ [Sade]
Ẹrẹreokie riẹ ọ rẹ jọ bẹdẹ bẹdẹ.+
ק [Kof]
A ti dhesẹ ẹgba riẹ via* avọ oruaro.
ר [Resh]
10 Ohwo omuomu na ọ te ruẹ, eva e vẹ te dhae.
ש [Shin]
Ọ te reakọ je whu kufiẹ.*
ת [Tọọ]
Ẹgwọlọ ohwo omuomu na o ti tei obọ họ.+
Eme-Obotọ
^ Hayo “Aleluya!; Halelujah!” “Jah” yọ ubro odẹ na Jihova.
^ Hayo “ahwo ologbo.”
^ Hayo “aruoriwo.”
^ Hayo “ro dhesẹ aruoriwo.”
^ Hayo “Ọ jọ udu riẹ gba oware nọ ọ gwọlọ ru mu no; Udu riẹ o rrọ kothi.”
^ Hayo “O re ru ọghọ.”
^ Evaọ Hibru, “A te kpare uzei riẹ kpehru.”
^ Evaọ Hibru, “ọ vẹ te ghra kufiẹ.”
