Ilezi 136:1-26
136 Wha yere Jihova keme ọ rrọ wowoma;+Uyoyou riẹ nọ o rẹ hiẹ hẹ o rẹ jọ bẹdẹ bẹdẹ.+
2 Wha yere Ọghẹnẹ eghẹnẹ na,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
3 Wha yere Olori ilori na,Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
4 Ọye ọvo o re ru eware igbunu,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.+
5 Ọ rehọ onaa ma* idhiwu na,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
6 Ọ rriẹ otọakpọ na fihọ ehru ame obuobu na,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
7 Ọ ma eware ilogbo nọ e rẹ kẹ elo na,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ,
8 Ọ ma ọre na re o wo* okpẹdoke na,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ,
9 Ọ ma ọvẹre na avọ isi na re i wo aso na,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
10 O kpe ọmọ ọsosuọ kpobi evaọ Ijipti,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
11 Ọ rehọ Izrẹl no udevie rai ze,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ,
12 Avọ obọ ogaga+ gbe ugbobọ nọ ọ rriẹ,Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
13 Ọ hẹriẹ Abade Ọwawae na abava,*+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
14 Ọ rehọ Izrẹl nya udevie riẹ vrẹ,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
15 O nuhu Fẹro avọ egbaẹmo riẹ fihọ Abade Ọwawae na,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
16 O su ahwo riẹ nya udhude na vrẹ,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
17 O kpe ivie ilogbo,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
18 O kpe ivie egaga,Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
19 Saehọn+ ovie Ahwo Amọ,Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ,
20 Gbe Ọg+ ovie Beshan,Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
21 Ọ rehọ otọ rai kẹ omai re ma rọ reuku,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ,
22 Re o jọ ukuoriọ Izrẹl odibo riẹ,Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
23 Okenọ ma jọ ọkora,* ọ kareghẹhọ omai,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.+
24 Ẹsikpobi o je siwi omai no obọ ewegrẹ mai,+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
25 Ọ be rọ emu kẹ oware kpobi nọ o rrọ uzuazọ,*+Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
26 Wha yere Ọghẹnẹ obọ idhiwu na,Keme uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
Eme-Obotọ
^ Hayo “Ọ rehọ onaa avọ otoriẹ ma.”
^ Hayo “su.”
^ Evaọ Hibru, “ekekẹ.”
^ Hayo “uye.”
^ Evaọ Hibru, “uwo kpobi.”
