Ilezi 81:1-16

  • Uduotahawọ re a yoẹme

    • Wha rẹ gọ eghẹnẹ erẹwho efa ha (9)

    • ‘Dodokọ wha rẹ gaviezọ’ (13)

Ro se ọnọ o wuzou ile na; lele Gitit* na. Orọ Esaf.+ 81  Wha do edo oghọghọ kẹ Ọghẹnẹ nọ ọ rrọ ẹgba mai.+ Wha do edo obokparọ kẹ Ọghẹnẹ Jekọp.   Wha mu ole na họ ekporo re whọ tọlọ ojẹjẹ,Akpata ikporakporo ewewere na gbe akpata-ifi na.   Wha kporo onware na evaọ oke ọvẹre ọkpokpọ na,+Nọ ọvẹre o te ghelie no, evaọ ẹdẹ ehaa mai.+   Keme onana yọ uzi nọ a jie kẹ Izrẹl,Uzi nọ Ọghẹnẹ Jekọp o fihọ.+   Ọ ta nọ a ru ei re o jọ ekareghẹhọ kẹ Josẹf+Okenọ Ọghẹnẹ ọ wọ ohọre ruọ ẹkwotọ Ijipti.+ Me yo urru* jọ nọ me vuhu hu:   “Mẹ wọ owha na no ẹkoko riẹ;+Me ru rie si abọ no ekete na.   Evaọ okenọ uye u te owhẹ, who bo se omẹ me te siwi owhẹ;+Me yo kẹ owhẹ no ẹgho egbrara ze.*+ Mẹ dawo owhẹ evaọ obọ ame Mẹriba.*+ (Silah)   Wha gaviezọ, whai ahwo mẹ, me ti se isẹri kpe owhai. O Izrẹl, dodokọ wha rẹ gaviezọ kẹ omẹ!+   A te jọ udevie rai ruẹ ọghẹnẹ ọrara ha,Yọ wha ti guzou kpotọ kẹ ọghẹnẹ orẹwho ọfa ha.+ 10  Mẹ Jihova, mẹ họ Ọghẹnẹ rai,Ọnọ ọ rehọ owhai no otọ Ijipti ze.+ Wha rovie unu rai kẹkẹe, mẹ te nwa agba rai vọ.+ 11  Rekọ ahwo mẹ a gaviezọ kẹ urru mẹ hẹ;Izrẹl ọ rọwo romakpotọ kẹ omẹ hẹ.+ 12  Fikiere mẹ tẹ kẹ ai uvẹ re a ru onọ o rrọ udu ogaga rai;A ru onọ a roro nọ u kiehọ.*+ 13  Dodokọ ahwo mẹ a rẹ gaviezọ kẹ omẹ,+Dodokọ Izrẹl ọ rẹ nya evaọ idhere mẹ!+ 14  Mẹ hai ti fi ewegrẹ rai kparobọ ababọ oke oraha;Mẹ hae te rọ obọ mẹ họre enọ e be wọso ae.+ 15  Enọ i mukpahe Jihova a ti guzou kpotọ avọ iguegue evaọ aro riẹ,Yọ oware nọ o te via kẹ ae* o te jọ bẹdẹ bẹdẹ. 16  Rekọ ọ te rọ iwhiti nọ e mai woma* kuọ owhai*+Jẹ kẹ owhai ọnyọ buobu nọ a jẹ no utho ze.”+

Eme-Obotọ

Rri oria Otofa Eme.
Hayo “ẹvẹrẹ.”
Evaọ Hibru, “evaọ oria nọ egbrara i dhere.”
Otofa riẹ họ “Ẹwhọ.”
Evaọ Hibru, “A nya evaọ ohrẹ obọrai.”
Evaọ Hibru, “Yọ oke rai.”
Evaọ Hibru, “iwhri iwhiti.”
Evaọ Hibru, “kuọ ẹe,” koyehọ, ahwo Ọghẹnẹ.