Ilezi 8:1-9
Ro se ọnọ o wuzou ile na; lele Gitit* na. Ole Devidi.
8 O Jihova Olori mai, rri epanọ odẹ ra o rro te evaọ otọakpọ na soso;Who ru oruaro ra kpehru gaga vi idhiwu na dede!*+
2 Whọ rehọ unu emaha gbe emọboba+ dhesẹ ẹgba ra viaFiki ewegrẹ ra,Re who ruru unu ọwegrẹ gbe ohwo orukele na.
3 Nọ mẹ ruẹ idhiwu ra, iruo iziabọ ra,Ọvẹre na gbe isi na nọ whọ ruẹrẹhọ,+
4 Kọ ono họ ohwo-akpọ* nọ whọ be rọ kareghẹhọ iẹe,Gbe ọmọ ohwo-akpọ nọ whọ be rọ rẹrotei?+
5 Who ru rie kpotọ omojọ vi enọ e wọhọ Ọghẹnẹ,*Yọ whọ rehọ oruaro gbe ọghọ ro tu ei uzou.
6 Whọ rehọ e riẹ mu ọnọ o wuzou iruo abọ ra;+Who fi eware kpobi họ otọ awọ riẹ:
7 Ithuru erao gbe iruẹ na kpobi,Te erao ẹwọ na,*+
8 Evra obọ ehru* na gbe iyei abade na,Oware kpobi nọ o be nya eva* ebade na.
9 O Jihova Olori mai, rri epanọ odẹ ra o rro te evaọ otọakpọ na soso!
Eme-Obotọ
^ Hayo o sae jọ nọ, “Whẹ ọnọ a bi whowho oruaro riẹ evaọ obehru idhiwu na!”
^ Hayo “ohwo-akpọ nọ o re whu.”
^ Hayo “vi ikọ-odhiwu.”
^ Evaọ Hibru, “erao ijihẹ obọ ẹwọ na.”
^ Hayo “idhiwu.”
^ Hayo “idhere.”
