Ilezi 36:1-12
Ro se ọnọ o wuzou ile na. Orọ Devidi, odibo Jihova.
36 Uzioraha o be ta ẹme kẹ ohwo omuomu evaọ udu riẹ;Ozodhẹ Ọghẹnẹ o rrọ ẹro* riẹ hẹ.+
2 Keme o rri omariẹ rro ga hrọTe epanọ ọ gbẹ sai ro vuhu iruthọ riẹ mu je mukpahe ae he.+
3 Eme edada avọ eviẹhọ ọvo i bi no unu riẹ ze;O bi dhesẹ hẹ inọ ọ riẹ oware uwoma eru.
4 Ọ rẹ ma omaa umuomu makọ evaọ ehwa riẹ.
Ọ gba riẹ mu nọ o re ru oware nọ u woma ha;Ọ rẹ siọ oware uyoma ha.
5 O Jihova, uyoyou ra nọ o rẹ hiẹ hẹ u kpehru te obọ idhiwu na,+Ọtẹruo ra o kpehru te ẹgho na.
6 Ẹrẹreokie ra ọ wọhọ igbehru ilogbo;*+Iziẹibro ra e wọhọ ame odidi orereghe.+
Whọ be sẹro* ahwo-akpọ gbe erao, O Jihova.+
7 Uyoyou ra nọ o rẹ hiẹ hẹ na u woma kẹhẹ, O Ọghẹnẹ!+
Otọ ibekpe ra,Oye emọ ahwo a dhẹ kpohọ re a zọ.+
8 A be da emamọ eware ibuobu* nọ e rrọ uwou ra vọ eva,+Yọ whọ kẹ rai eware omawere ra nọ i bi kporo ẹkẹre re a da.+
9 Obọ ra uzuazọ u no ze;*+Ẹkwoma elo ra ma be sae rọ ruẹ elo.+
10 Hai gbe dhesẹ uyoyou ra nọ o rẹ hiẹ hẹ na kẹ enọ udu rai u kiete,+Jẹ hai gbe dhesẹ ẹrẹreokie ra kẹ enọ i wo emamọ udu.+
11 Whọ jọ evawọ ahwo omorro o thihi omẹ hẹWhọ jọ obọ ahwo oyoma o le omẹ kufiẹ hẹ.
12 Rri oria nọ ahwo nọ a bi ru oware uyoma na a kie fihọ!A fa rai kie fihọ otọ no, yọ a rẹ sae kpama ha.+
