Ilezi 143:1-12
Ole Devidi.
143 O Jihova, yo olẹ mẹ;+Gaviezọ kẹ ayare mẹ kẹ obufihọ.
Yo kẹ omẹ fiki ọtẹruo ra gbe ẹrẹreokie ra.
2 Ivie who lele odibo ra gu ẹdhọ họ,Keme ohwo ọvo nọ ọ rrọ uzuazọ nọ ọ rẹ sai kiẹrẹe evaọ aro ra ọ rrọ họ.+
3 Keme ọwegrẹ na o bi le omẹ;*Ọ guọghọ omẹ fihọ otọ no.
O ru omẹ rrọ eva ebi wọhọ enọ i whu kri no.
4 Ẹgba mẹ o bi re no;*+Udu mẹ u whu kpimẹ no evaọ oma mẹ.+
5 Mẹ kareghẹhọ oke anwae;Me roro didi kpahe iruẹru ra kpobi;+Mẹ romatotọ roro kpahe* iruo abọ ra.
6 Mẹ kpare abọ mẹ kpehru kẹ owhẹ;Mẹ* be gwọlọ owhẹ, wọhọ epanọ otọ nọ o ya fia o rẹ gwọlọ ame na.+ (Silah)
7 Yo kẹ omẹ vẹrẹ, O Jihova;+Ẹgba* mẹ o re no.+
Whọ kuọ ovao ra dhere omẹ hẹ,+O gbẹ rrọ ere he, mẹ te wọhọ enọ i bi kpobọ ọgọdọ.*+
8 Jọ me yo kpahe uyoyou ra nọ o rẹ hiẹ hẹ na evaọ ohiohiẹ,Keme me fievahọ owhẹ.
Dhesẹ edhere nọ mẹ rẹ nya kẹ omẹ,+Keme whẹ me bo se.*
9 Siwi omẹ no obọ ewegrẹ mẹ, O Jihova.
Whẹ mẹ dhẹ bru ze re whọ thọ omẹ.+
10 Wuhrẹ omẹ re me ru oreva ra,+Keme whẹ họ Ọghẹnẹ mẹ.
Ẹzi ra ọ rrọ wowoma;Jọ o su omẹ nya otọ opraprara.*
11 Siwi uzuazọ mẹ O Jihova, fiki odẹ ra.
Siwi omẹ* no uye fiki ẹrẹreokie ra.+
12 Fiki uyoyou ra nọ o rẹ hiẹ hẹ, kpe ewegrẹ mẹ no;*+Raha enọ i bi kpokpo omẹ* kpobi no,+Keme mẹ yọ odibo ra.+
