Ilezi 74:1-23
Maskil.* Orọ Esaf.+
74 O Ọghẹnẹ, fikieme whọ rọ siọ omai bẹdẹ bẹdẹ?+
Fikieme who bi ro mu ofu ọgaga* kẹ uthuru ra nọ whọ be ko?+
2 Kareghẹhọ ahwo* nọ whọ salọ anwọ oke krẹkri nọ o vrẹ,+Orua nọ whọ ta no igbo re o jọ ukuoriọ ra.+
Kareghẹhọ Ugbehru Zayọn, oria nọ whọ jẹ rria.+
3 Nyaze oria nọ a raha muotọ no na.+
Ọwegrẹ na ọ raha eware kpobi nọ e rrọ oria ọrẹri na no.+
4 Ewegrẹ ra a bi do enu evaọ oria egagọ ra.*+
A thihi ebana rai fihọ etẹe re o jọ oka.
5 A wọhọ ahwo nọ a be rọ iwhe ko ire owhawho.
6 A rehọ iwhe avọ ekpọ ayọno bẹre eware nọ a kare fihọ iẹe no.+
7 A tu erae họ oria aruẹri ra.+
A zue uwou-udhu nọ a rọ odẹ ra se, a tẹ bẹre iẹe kuotọ.
8 Te ai te emọ rai a jọ udu rai ta nọ:
“A rẹ mahe eria egagọ Ọghẹnẹ* kpobi nọ e rrọ ẹkwotọ na no hrọ.”
9 Eka evuevo e riẹ nọ ma be ruẹ hẹ;Ọruẹaro ọvuọvo ọ gbẹ riẹ hẹ,Yọ ohwo ọvuọvo evaọ usu mai ọ riẹ epanọ onana u ti kri te he.
10 O Ọghẹnẹ, ẹvẹ ọwegrẹ na o ti se ẹkoko kri te?+
Kọ ọwegrẹ na o ti rri odẹ ra vo bẹdẹ bẹdẹ?+
11 Fikieme whọ gbẹ be rriẹ obọ ra ha, obọze ra na?+
Yolo iei no igbama* ra ze re whọ raha ai no.
12 Rekọ Ọghẹnẹ họ Ovie mẹ no anwae ze,Ọnọ o bi ru iruẹru esiwo evaọ otọakpọ na.+
13 Whọ rehọ ẹgba ra wha ẹvohẹ họ abade na;+Whọ guọghọ uzou erao ilogbo obọ abade nọ e rrọ eva ame obuobu na.
14 Whọ guọghọ izou Levayatan;*Whọ rehọ e riẹ kẹ ahwo na re a re, enọ e be rria idhude na.
15 Who bru inu fihọ kẹ iyeri-ame gbe ito na;+Who ru ithẹ nọ i bi kporo ẹkẹre ẹsikpobi kpọ no.+
16 Whẹ họ ọnọ o wo okpẹdoke na, te aso na re.
Whẹ họ ọnọ o ru elo* na gbe ọre na.+
17 Who fi iwhru otọakpọ na kpobi họ;+Whọ ma ezi ivo gbe ezi ekpahe.*+
18 Kareghẹhọ ẹkoko ọwegrẹ na, O Jihova,Oghẹrẹ nọ ahwo ogheghẹ a bi rri odẹ ra vo.+
19 Ivie who siobọno uzuazọ* erueruẹ ra kẹ erao ijihẹ na ha.
Whọ kpairoro vrẹ uzuazọ ahwo ra nọ e be reoja na bẹdẹ bẹdẹ hẹ.
20 Kareghẹhọ ọvọ na,Keme eria nọ e rrọ ebiebi evaọ otọakpọ na i zihe ruọ eria nọ ahwo ozighi a vọ no.
21 Whọ jọ ọnọ a kienyẹ na o kuomarẹriẹ zihe avọ omovuọ họ;+Jọ iruori na gbe iyogbe na a jiri odẹ ra.+
22 Kparoma, O Ọghẹnẹ, re who gu ẹdhọ ra.
Kareghẹhọ nọ igheghẹ na a bi se owhẹ ẹkoko ẹsikpobi.*+
23 Whọ kpairoro vrẹ eme nọ ewegrẹ ra a be ta ha.
Edo enọ e be kpareso owhẹ* o bi do kpohọ ehru kẹse kẹse.
Eme-Obotọ
^ Evaọ Hibru, “Fikieme ofu ra o bi ro kuye iwiri.”
^ Evaọ Hibru, “ogbotu ra.”
^ Hayo “oria ra nọ a re kokohọ.”
^ Hayo “eria nọ a be jọ gọ Ọghẹnẹ.”
^ Hayo “igbama ewu.”
^ Hayo “eware nọ e rẹ kẹ elo.”
^ Hayo “ezi iso.”
^ Hayo “evaọ okpẹdoke na soso.”
^ Hayo “enọ i bi rri owhẹ vo.”
