Ilezi 55:1-23
Ro se ọnọ o wuzou ile na; onọ a rẹ rọ ekpata-ifi kporo. Maskil.* Orọ Devidi.
55 Gaviezọ kẹ olẹ mẹ, O Ọghẹnẹ,+Who ku ovao kufiẹ kẹ ayare mẹ rọkẹ ohrọ họ.*+
2 Kezọ kẹ omẹ re who yo kẹ omẹ.+
Eware nọ e be kẹ omẹ uye i bi ru omẹ rova,+Yọ idhọvẹ e rrọ omẹ oma
3 Fiki oware nọ ọwegrẹ na ọ be taGbe ukpokpoma nọ u bi no obọ ohwo omuomu na ze.
Keme a bi koko ebẹbẹ họ omẹ uzou,Yọ a be rọ ofu jẹ omẹ egrẹ.+
4 Edada egaga e rrọ omẹ udu,+Yọ iguegue uwhu e da omẹ oma fia.+
5 Ozọ avọ iguegue e rrọ omẹ oma,Me bi nuhu kpakpakpa.
6 Mẹ be ta ọvo nọ: “Dodokọ me wo ibekpe wọhọ erueruẹ!
Mẹ hae te rra vrẹ nyae rria oria nọ ufuoma o rrọ.
7 Rri! Mẹ hae te dhẹ vrẹ thethabọ.+
Mẹ hae te nyae rria obọ udhude na.+ (Silah)
8 Ovovẹrẹ mẹ hai ro kpohọ oria nọ a rẹ rriaRono ofou ọgaga, rono ofou ọwhibo.”
9 Reghe ai, O Jihova, re whọ raha omaa rai,*+Keme mẹ ruẹ ozighi gbe ohọre* evaọ okpẹwho na.
10 Te aso te uvo a be nya ugbẹhẹ riẹ wariẹ;Egrẹ gbe ebẹbẹ e rrọ eva riẹ.+
11 Ọraha ọ rrọ udevie riẹ;Okienyẹ gbe eviẹhọ i re no oko-ore riẹ vievie he.+
12 Keme orọnikọ ọwegrẹ ọ be poviẹ omẹ na ha;+O hae jọ ere, mẹ hai thihakọ riẹ.
Orọnikọ ọwegrẹ ọ be kpareso omẹ na ha;O hae jọ ere, mẹ hae kuọ oma dhere iei.
13 Rekọ owhẹ, ọzae wọhọ omẹ,*+Ogbẹnyusu obọmẹ nọ mẹ riẹ ziezi.+
14 Ma jọ egbẹnyusu ekpekpe vẹre;Ma jẹ hai kuomagbe ogbotu na nya usu kpohọ uwou Ọghẹnẹ.
15 Jọ ọraha o te ai!+
Jọ a ruọ eva Uki* ọkpokpọ;Keme umuomu o be rria udevie rai jẹ rrọ eva rai.
16 Rọkẹ omẹ, Ọghẹnẹ me re bo se,Yọ Jihova o ti siwi omẹ.+
17 Te owọwọ, te ohiohiẹ gbe uvo, me bi dimẹ fiki idhọvẹ nọ e rrọ omẹ oma,*+Yọ o bi yo urru mẹ.+
18 O ti siwi* omẹ jẹ kẹ omẹ* udhedhẹ rono obọ ahwo nọ a be họre omẹ,Keme ogbotu ahwo a be wọ bru omẹ ze.+
19 Ọghẹnẹ o ti yo, yọ o ti ru ae oware,+Ọnọ ọ keria agbara-uvie no oke anwae ze na.+ (Silah)
A te rọwo nwene he,Enọ e be dhozọ Ọghẹnẹ hẹ na.+
20 Ọ* họre enọ e be rria dhedhẹ kugbei;+Ọ raha ọvọ riẹ no.+
21 Eme riẹ e riẹriẹ vi ebọta,+Rekọ ohọre o rrọ udu riẹ.
Eme riẹ e lọhọ vi ewhri,Rekọ e wọhọ ọgbọdọ nọ a wolo lahwe.+
22 Gbolo owha ra kẹ Jihova,+Ọ te rẹrote owhẹ.+
Ọ rẹ kuvẹ vievie he re ohwo okiẹrẹe o kie.*+
23 Rekọ whẹ, O Ọghẹnẹ, whọ te rehọ ai kpohọ ọgọdọ nọ ọ mai diwi.+
Enọ e reabe azẹ gbe ahwo eviẹhọ a te rria abọvo ikpe rai hi.+
Rekọ rọkẹ omẹ, whẹ me re fievahọ.
Eme-Obotọ
^ Hayo “Who dhere he evaọ okenọ mẹ tẹ be lẹ owhẹ nọ who fiobọhọ kẹ omẹ.”
^ Evaọ Hibru, “bẹre ẹrọo rai.”
^ Hayo “ẹwhọ.”
^ Hayo “ọzae, nọ ma gbẹ rrọ ẹrẹrẹe.”
^ Hayo “me bi nuhu evaọ obeva.”
^ Evaọ Hibru, “Ọ te ta.”
^ Koyehọ, ogbẹnyusu riẹ vẹre nọ a fodẹ evaọ owọ avọ 13 gbe 14 na.
^ Hayo “zoruẹ.”
