Ilezi 32:1-11
Orọ Devidi. Maskil*
32 Jọ eva e were ohwo nọ a kpairoro vrẹ iruthọ riẹ no, ọnọ a rehọ uzioraha riẹ rọvrẹ no.*+
2 Jọ eva e were ohwo nọ Jihova ọ ta nọ ọ reabe he,+Nọ eviẹhọ evuevo e rrọ oma ha.*
3 Okenọ me fibo, igbenwa mẹ e tẹ lọhọ no* fiki imẹ-idio mẹ evaọ okpẹdoke na soso.*+
4 Keme te aso te uvo, evedha ra kẹ omẹ o wọhọ owha ogbẹgbẹdẹ nọ mẹ wọ.*+
Ẹgba mẹ kpobi o te re no* wọhọ ame nọ ọ kpọ no fiki ẹrrorro ọgaga ezi ivo. (Silah)
5 Uwhremu na mẹ tẹ feva uzioraha mẹ kẹ owhẹ;Mẹ ko oruthọ mẹ dhere he.+
Mẹ ta nọ: “Mẹ rẹ feva izieraha mẹ kẹ Jihova.”+
Whọ tẹ rọ izieraha mẹ rọvrẹ omẹ.+ (Silah)
6 Oyejabọ nọ ohwo kpobi nọ ọ talamu owhẹ ọ te rọ lẹ se owhẹ+Evaọ oke nọ a sae gbẹ rọ ruẹ owhẹ na.+
Nọ o te ru ere, makọ owhe na o ti ku tei oma ha.
7 Whẹ yọ oria idhere kẹ omẹ;Whọ te thọ omẹ no idhọvẹ.+
Whọ te rọ edo oghọghọ esiwo wariẹ omẹ họ.+ (Silah)
8 “Me ti ru owhẹ wo otoriẹ udidi je wuhrẹ owhẹ edhere nọ u fo nọ whọ rẹ nya.+
Mẹ te kẹ owhẹ ohrẹ yọ me bi rri owhẹ.+
9 Who ru wọhọ anyenya hayo esi* nọ ọ kare otoriẹ hẹ,+Ọnọ a rẹ rọ ufi hayo oviẹ-arao gba unu riẹ re a rọ kpọe fiki ugberuo riẹRe o te ti ru oware nọ whọ gwọlọ.”*
10 Irumuomu a wo edada buobu;Rekọ Jihova ọ rẹ rọ uyoyou riẹ nọ o rẹ hiẹ hẹ wariẹ ohwo nọ o fievahọ iẹe họ.+
11 Wha ghọghọ fiki Jihova jẹ wereva, whai ikiẹrẹe;Wha do edo oghọghọ, whai ahwo kpobi nọ udu rai u kiete.
