Ilezi 142:1-7
Maskil.* Orọ Devidi, evaọ okenọ ọ jọ eghogho-utho.+ Olẹ.
142 Mẹ kpare urru mẹ bo se Jihova kẹ obufihọ;+Mẹ kpare urru mẹ lẹ Jihova re o rri omẹ aro.
2 Mẹ ta eware nọ e be kẹ omẹ uye kpobi kẹe;Mẹ vuẹ riẹ idhọvẹ nọ e rrọ omẹ oma+
3 Okenọ ẹgba mẹ o re no.*
Kẹsena who te rri edhere kẹ omẹ.+
A kpahe ẹta si no kẹ omẹEvaọ edhere nọ mẹ be nya.
4 Rri omẹ* re whọ ruẹInọ ohwo ọvo ọ be daezọ mẹ* hẹ.+
Oria ovo o riẹ nọ mẹ rẹ dhẹ kpohọ họ;+Ohwo ọvo ọ be re ohrọ mẹ* hẹ.
5 Me bo se owhẹ kẹ obufihọ, O Jihova,
Mẹ ta nọ: “Whẹ họ oria adhẹzọ mẹ,+Whẹ ọvo me wo* evaọ ẹkwotọ enọ e rrọ uzuazọ.”
6 Gaviezọ kẹ ubo mẹ kẹ obufihọ,Keme a hrẹ omẹ kpotọ gaga no.
Siwi omẹ no obọ enọ i bi kpokpo omẹ,+Keme a ga vi omẹ.
7 Si omẹ* no uwou-odi na zeRe me jiri odẹ ra.
Jọ ikiẹrẹe na a koko wariẹ omẹ họFikinọ whọ be riẹ omẹ ru ziezi.
Eme-Obotọ
^ Hayo “Okenọ ibiaro i bi omẹ; Okenọ udu u no omẹ awọ.”
^ Evaọ Hibru, “o bi vuhu omẹ.”
^ Hayo “Rri obọze mẹ.”
^ Evaọ Hibru, “Ẹkẹ mẹ.”
