Ilezi 145:1-21
Ole ujiro orọ Devidi.
א [Alẹf]
145 Me ti jiri owhẹ, O Ọghẹnẹ mẹ Ovie na,+Me ti jiri odẹ ra bẹdẹ bẹdẹ.+
ב [Bet]
2 Me ti jiri owhẹ evaọ okpẹdoke na soso;+Me ti jiri odẹ ra bẹdẹ bẹdẹ.+
ג [Gimẹl]
3 Jihova ọ rrọ ruaro yọ ọye ọ mai fo ejiro;+A rẹ sae kiẹ otọ oruaro riẹ via ha.*+
ד [Dalẹt]
4 A ti jiri iruo abọ ra no oge ruọ oge;A te ta kpahe iruo igbunu ra.+
ה [He]
5 A te ta kpahe oruaro ulogbo orọ uvie ra+Yọ me ti roro didi kpahe iruo igbunu ra.
ו [Whọọ]
6 A te ta kpahe iruo* ra nọ i re mu ọwhewhe,Yọ me ti whowho oruaro ra.
ז [Zayin]
7 Eme ra i ti hwẹ no unu rai ze nọ a tẹ kareghẹhọ ewoma obuobu ra,+Yọ a ti bo ubo oghọghọ fiki ẹrẹreokie ra.+
ח [Hẹt]
8 Jihova o wo ọdawẹ* gbe ohrọ-oriọ,+Ọ rẹ kaki mu ofu hu yọ ọ vọ avọ uyoyou nọ o rẹ hiẹ hẹ.+
ט [Tet]
9 Jihova o re ru ewoma kẹ ohwo kpobi,+Yọ a rẹ jọ evaọ iruo riẹ kpobi ruẹ ohrọ riẹ.
י [Yod]
10 Iruo ra kpobi i ti jiri owhẹ, O Jihova,+Yọ ahwo nọ a talamu owhẹ a ti jiri owhẹ.+
כ [Kaf]
11 A ti whowho oruaro uvie ra+Jẹ ta kpahe ogaga ra,+
ל [Lamẹd]
12 Re a ru ahwo riẹ kpahe iruẹru ilogbo ra+Gbe oruaro ulogbo orọ uvie ra.+
מ [Mem]
13 Uvie ra yọ uvie ebẹdẹ bẹdẹ,Yọ esuo ra ọ rẹ jọ te ige na kpobi.+
ס [Samẹk]
14 Jihova o re fiobọhọ kẹ enọ i bi kie kpobi+Jẹ kpare enọ i gbuzou hotọ.+
ע [Ayin]
15 Whẹ ibiaro kpobi i bi rri;Whọ rẹ kẹ ae emu rai evaọ ezi kpobi.+
פ [Pe]
16 Who rovie obọ raWho te bi ru ẹgwọlọ oware kpobi nọ o rrọ uzuazọ kẹe.+
צ [Sade]
17 Jihova o kiẹrẹe evaọ idhere riẹ kpobi+Yọ o re dhesẹ ọtẹruo evaọ oware kpobi nọ o bi ru.+
ק [Kof]
18 Jihova ọ kẹle enọ i bi bo sei kpobi,+Enọ e rẹ ta uzẹme nọ a te bi bo sei.*+
ר [Resh]
19 O re ru ẹgwọlọ enọ e be dhozọ riẹ kẹ ae;+O re yo ubo rai rọkẹ obufihọ, yọ o re siwi ai.+
ש [Shin]
20 Jihova ọ rẹ sẹro enọ i you rie kpobi,+Rekọ o ti kpe irumuomu na kpobi no.+
ת [Tọọ]
21 Unu mẹ o te ta ewoma* Jihova;+Jọ oware kpobi nọ o rrọ uzuazọ* u jiri odẹ ọrẹri riẹ bẹdẹ bẹdẹ.+
