Ilezi 38:1-22
Ole Devidi, nọ o rẹ jọ ekareghẹhọ.*
38 O Jihova, whọ rọ evedha whọku omẹ hẹ,Yọ whọ rọ ofu kpọ omẹ vi hi.+
2 Keme ese ra i duwu kpobọ eva mẹ,Yọ obọ ra o nyẹ omẹ nyaotọ.+
3 Oma mẹ na kpobi o be mọ* fiki evedha ra.
Igbenwa mẹ i wo udhedhẹ ovuovo ho fiki uzioraha mẹ.+
4 Keme iruthọ mẹ i kpehru vi uzou mẹ;+E wọhọ owha ogbẹgbẹdẹ, e gbẹdẹ vi oware nọ mẹ rẹ sae wọ.
5 Ela mẹ i bi gbo jẹ be kẹreFiki ugheghẹ mẹ.
6 Mẹ be rova jẹ rrọ ọkora ọgaga;Mẹ be nya uwuweri evaọ okpẹdoke na soso.*
7 Oma mẹ o be rrorro evaọ obeva;*Oma mẹ na kpobi o be mọ.+
8 Oma mẹ u whu fihọ kpimẹ jẹ guọghọ fihọ otọ no;Udu mẹ nọ o vọ avọ idhọvẹ o be lẹliẹ omẹ dimẹ via.*
9 O Jihova, ẹgwọlọ mẹ kpobi ọ rrọ aro ra,Yọ unuofiẹ mẹ u dhere owhẹ hẹ.
10 Udu mẹ u bi kie kpikpikpi, ẹgba mẹ o re no,Yọ mẹ gbẹ be rọ ibiaro mẹ ruẹ ude ziezi hi.*+
11 Egbẹnyusu mẹ gbe erivẹ* mẹ a be ruẹ omẹ dhẹ fiki uye mẹ,Yọ ahwo nọ a kpekpe omẹ oma a be kẹnoma kẹ omẹ.
12 Enọ e be gwọlọ uzuazọ* mẹ a kpahe eta;Enọ e be gwọlọ nwa omẹ oma a be ta ẹme epanọ a rẹ rọ raha omẹ kufiẹ;+A be lẹlẹ ta eme eviẹhọ evaọ okpẹdoke na soso.
13 Rekọ wọhọ ohwo nọ o diezọ, mẹ tehe ezọ mẹ di;+Wọhọ ohwo nọ o dienu, me bi rovie unu mẹ hẹ.+
14 Me zihe ruọ ohwo nọ ọ be sai yo ẹme he no,Nọ o wo ẹme ọvuọvo nọ ọ rẹ ta ro gu ẹkẹ unu riẹ hẹ.
15 Keme whẹ họ ọnọ mẹ hẹrẹ,+ O Jihova,Yọ whọ kẹ omẹ uyo, O Jihova Ọghẹnẹ mẹ.+
16 Keme mẹ ta nọ: “Jọ a ghọghọ fiki mẹ hẹHayo wereva fiki mẹ hẹ otẹrọnọ otọ o whra omẹ.”
17 Keme mẹ joma kie no vẹre,Yọ edada e jọ omẹ oma ẹsikpobi.+
18 Mẹ ta oruthọ mẹ via;+Uzioraha mẹ u je kpokpo omẹ.+
19 Rekọ ewegrẹ mẹ e rrọ gaga* jẹ rrọ ruaro,*Enọ i mukpahe omẹ gheghe gheghe a bu gaga no.
20 A rọ eyoma hwosa ewoma kẹ omẹ;A jẹ wọso omẹ fikinọ me bi ru oware uwoma.
21 Whọ nyasiọ omẹ ba ha, O Jihova.
O Ọghẹnẹ, who gbe thabọ no omẹ hẹ.+
22 Dhogbo bru omẹ ze vẹrẹ vẹrẹ,O Jihova, osiwi mẹ.+
Eme-Obotọ
^ Hayo “nọ a rẹ rọ kareghẹhọ.”
^ Evaọ Hibru, “Oria ovuovo nọ o rrọ okpokpọ evaọ oma mẹ na o rrọ họ.”
^ Hayo “ẹsikpobi.”
^ Evaọ Hibru, “Eku mẹ ọ vọ avọ ẹrrorro.”
^ Hayo “do enu.”
^ Evaọ Hibru, “elo ibiaro mẹ ọ nyasiọ omẹ ba no.”
^ Hayo “egbẹnya.”
^ Evaọ Hibru, “uzuazọ.”
^ Hayo o sae jọ nọ, “Rekọ enọ e rrọ ewegrẹ mẹ gheghe gheghe e rrọ buobu.”
