Ilezi 97:1-12
97 Jihova o zihe ruọ Ovie no!+
Jọ otọakpọ na o ghọghọ.+
Jọ ikoliko ibuobu na e ghọghọ.+
2 Ẹgho avọ ẹgho ọlala e wariẹ e riẹ họ;+Ẹrẹreokie avọ uvioziẹ họ otọhotọ agbara-uvie riẹ.+
3 Erae e rrọ aro riẹ+Nọ e rẹ mahe ewegrẹ riẹ nọ e rrọ tabọ tabọ no.+
4 Elo egbrara riẹ o bi lo fihọ otọ na;Otọakpọ na o ruẹ e riẹ, o te guegue.+
5 Igbehru na e ghra wọhọ iwhri evaọ aro Jihova,+Evaọ aro Olori otọakpọ na soso.
6 Idhiwu na i bi whowho ẹrẹreokie riẹ,Yọ ahwo na kpobi a be ruẹ oruaro riẹ.+
7 Jọ oma o vuọ enọ e be gọ ẹmema nọ a kare kpobi,+Enọ e be rọ eghẹnẹ rai nọ i fioka ha seha.+
Wha guzou kpotọ kẹe,* whai eghẹnẹ na kpobi.+
8 Zayọn o yo, ọ tẹ ghọghọ;+Ewho* Juda e be ghọghọFiki iziẹibro ra, O Jihova.+
9 Keme whẹ, O Jihova, whẹ họ Ọnọ Ọ Mai Kpehru vi otọakpọ na kpobi;Who kpehru vi eghẹnẹ efa kpobi.+
10 O whai enọ i you Jihova, wha mukpahe oware uyoma.+
Ọ be sẹro uzuazọ* enọ e talamu ei;*+O re siwi ai no obọ* ahwo omuomu.+
11 Elo o lo via no kẹ ikiẹrẹe na+Yọ oghọghọ u muhọ no kẹ enọ udu rai u kiete.
12 Wha ghọghọ fiki Jihova, whai ikiẹrẹe na,Re wha je jiri odẹ* ọrẹri riẹ.
