Ilezi 52:1-9

  • Rẹroso uyoyou Ọghẹnẹ nọ o rẹ hiẹ hẹ

    • A vẹvẹ enọ e be rọ eyoma seha unu (1-5)

    • Enọ e rrọ ahwo Ọghẹnẹ hẹ a re fievahọ efe (7)

Ro se ọnọ o wuzou ile na. Maskil.* Orọ Devidi, okenọ Doẹg ohwo Edọm na ọ rọ nyaze te vuẹ Sọl inọ Devidi ọ nyaze obọ uwou Ahimẹlẹk.+ 52  Fikieme whọ be rọ rehọ eware imuomu nọ who ru ro seha, whẹ ọgba na?+ Ọghẹnẹ o re dhesẹ uyoyou riẹ nọ o rẹ hiẹ hẹ na ẹsikpobi.*+  2  Ẹrọo ra nọ ọ rrọ dada wọhọ erezọbledi+ na,Ọ rẹ ma omaa omuomu je ru iruẹru eviẹhọ.+  3  Who you umuomu vi oware nọ u woma,Je you ọrue vi oware nọ u kiehọ nọ whọ rẹ ta. (Silah)  4  Eme iyoma* kpobi e rẹ were owhẹ,O, whẹ ẹrọo eviẹhọ na!  5  Oyejabọ nọ Ọghẹnẹ ọ te rọ raha owhẹ no riẹriẹriẹ;+Ọ te tatabọ họ owhẹ je si owhẹ no uwou-udhu ra;+O ti vi* owhẹ no ẹkwotọ enọ e rrọ uzuazọ no.+ (Silah)  6  Ahwo okiẹrẹe na a te ruẹ e riẹ, u ve ti mu ai ọwhewhe,+A vẹ te hwẹe.+  7  “Rri ohwo nọ ọ rehọ Ọghẹnẹ fihọ oria adhẹzọ riẹ hẹ,+Rekọ nọ o fievahọ efe obuobu riẹ+Jẹ rẹroso* omaa umuomu riẹ.”*  8  Rekọ mẹ te jọ wọhọ ure olivi ologbo evaọ uwou Ọghẹnẹ;Me fievahọ uyoyou Ọghẹnẹ nọ o rẹ hiẹ hẹ+ na bẹdẹ bẹdẹ.  9  Me ti jiri owhẹ bẹdẹ bẹdẹ fiki eware nọ who ru;+Evaọ iraro enọ e talamu owhẹ,Me ti fi ẹruore mẹ họ odẹ ra,+ keme o rrọ wowoma.

Eme-Obotọ

^ Rri oria Otofa Eme.
^ Hayo “evaọ okpẹdoke na soso.”
^ Hayo “Eme nọ a rẹ rọ ta ohwo raha.”
^ Hayo “wolo.”
^ Hayo “Jẹ be rria eva.”
^ Evaọ Hibru, “uye ogaga nọ ọ so ze.”

Copyrights for this publication