Ilezi 141:1-10

  • Olẹ re Ọghẹnẹ ọ thọ omai

    • “Jọ olẹ mẹ o jọ wọhọ insẹnse” (2)

    • Ọwhọkuo ohwo okiẹrẹe ọ wọhọ ewhri (5)

    • Ahwo omuomu na a ti kie ruọ ẹriri obọrai (10)

Ole Devidi. 141  O Jihova, me bi bo se owhẹ.+ Nyaze ovovẹrẹ ti fiobọhọ kẹ omẹ.+ Ivie gaviezọ kẹ omẹ nọ me te bo se owhẹ.+   Jọ olẹ mẹ o jọ wọhọ insẹnse+ nọ a ruẹrẹ fihọ aro ra,+Jọ abọ nọ mẹ kpare kpehru e jọ wọhọ idhe ibi ekakọ owọwọ.+   Fi oroiro họ kẹ unu mẹ, O Jihova,Fi ọnọ o re rou ẹthẹ igbenu mẹ họ.+   Whọ kuvẹ re iroro mẹ i kpohọ* oware uyoma ovuovo ho,+Re me kuomagbe ahwo omuomu ru eware etọtọ;Whọ jọ omẹ re obọdẹ emu rai vievie he.   Okiẹrẹe ọ tẹ tehe omẹ, yọ uyoyou nọ o rẹ hiẹ hẹ o dhesẹ na;+Ọ tẹ whọku omẹ, o te jọ wọhọ ewhri nọ a kuhọ omẹ uzou,+Onọ uzou mẹ o rẹ se vievie he.+ Mẹ te ruabọhọ olẹ makọ evaọ okenọ a tẹ rrọ uye.   Dede nọ a gbolo ibruoziẹ rai no akọ ugbehru-utho oliọliọ fihọ otọ,Ahwo na a te gaviezọ kẹ eme mẹ, keme e be were ezọ.   Nwane wọhọ epanọ ohwo o re kporo udhu o ve kporo ikulu ẹkpẹ vaha na,Ere a vaha igbenwa mai fihọ unu Uki.*   Rekọ ibiaro mẹ i bi rri owhẹ, O Jihova Olori nọ Ọ Mai Kpehru.+ Whẹ mẹ dhẹ bru ze wọhọ oria adhẹzọ. Ivie who kpe omẹ no ho.   Thọ omẹ no unu ẹta nọ a kpahe kẹ omẹ,Rono egbefẹ irumuomu na. 10  Ahwo omuomu na kpobi a ti kie ruọ ẹta* obọrai+Mẹ vẹ te nyavrẹ gbẹsinẹdẹ.

Eme-Obotọ

Hayo “re udu mẹ u kpohọ.”
Hayo “Sheol.” Rri oria Otofa Eme.
Hayo “ẹriri.”