Ilezi 115:1-18

  • Ọghẹnẹ ọvo a rẹ kẹ orro

    • Emedhọ nọ i wo uzuazọ họ (4-8)

    • A rehọ otọakpọ na kẹ ahwo-akpọ (16)

    • “Enọ i whu no a re jiri Jah ha” (17)

115  Orọnikọ mai vievie he, O Jihova, mai vievie he,*Rekọ odẹ ra whọ rẹ kẹ orro+Fiki uyoyou ra nọ o rẹ hiẹ hẹ gbe ọtẹruo ra.+   Fikieme erẹwho na a rẹ rọ ta nọ: “Ọghẹnẹ rai ọ rrọ?”+   Ọghẹnẹ mai ọ rrọ obọ idhiwu;O re ru oware kpobi nọ o were riẹ.   Isiliva gbe igoru a ro ru emedhọ rai,Iruo abọ ahwo-akpọ.+   A wo unu, rekọ a rẹ sae ta ẹme he;+A wo ibiaro, rekọ a rẹ sae ruẹ ude he;   A wo ezọ, rekọ a rẹ sai yo ẹme he;A wo inwe, rekọ a rẹ sai yo ore he;   A wo abọ, rekọ a rẹ sai kru oware he;*A wo awọ, rekọ a rẹ sae nya ha;+A rẹ sae rọ edhuru rai ru edo ọvuọvo ho.+   Ahwo nọ a ru rai a te jọ wọhọ e rai,+Te enọ i fievahọ ai kpobi.+   O Izrẹl, wha fievahọ Jihova+Ọye họ ofiobọhọ rai gbe ojese rai.+ 10  O uwou Erọn,+ wha fievahọ JihovaỌye họ ofiobọhọ rai gbe ojese rai. 11  Whai enọ e be dhozọ Jihova, wha fievahọ Jihova+Ọye họ ofiobọhọ rai gbe ojese rai.+ 12  Jihova ọ be kareghẹhọ omai yọ ọ te ghale omai;Ọ te ghale uwou Izrẹl;+Ọ te ghale uwou Erọn. 13  Ọ te ghale enọ e be dhozọ Jihova,Te esese te ilogbo. 14  Jihova o ti ru owhai vihọ,Te owhai te emọ* rai.+ 15  Jọ Jihova ọ ghale owhai,+Ọnọ ọ ma odhiwu gbe otọakpọ na.+ 16  Jihova họ ọnọ o wo idhiwu na,+Rekọ ọ rehọ otọakpọ na kẹ emọ ahwo.+ 17  Enọ i whu no a re jiri Jah ha;+Hayo ohwo kpobi nọ o kpobọ uki* no.+ 18  Rekọ ma ti jiri JahNo enẹna vrẹ rite ebẹdẹ bẹdẹ. Wha jiri Jah!*

Eme-Obotọ

Hayo “Oware ovuovo nọ o rrọ omai o riẹ hẹ, O Jihova, oware ovuovo nọ o rrọ omai o riẹ hẹ.”
Hayo “a rẹ sae rọ abọ rai te oware he; oware u te te ai oma a rẹ riẹ hẹ.”
Evaọ Hibru, “emezae.”
Evaọ Hibru, “oria nọ o rrọ fọfọ rirẹ.”
Hayo “Aleluya!; Halelujah!” “Jah” yọ ubro odẹ na Jihova.