Ilezi 34:1-22
Orọ Devidi, okenọ o ru wọhọ ohwo nọ ọ be mọ oruẹ+ evaọ aro Abimẹlẹk, o te lei, ọ tẹ nyavrẹ.
א [Alẹf]
34 Me ti jiri Jihova ẹsikpobi;Ujiro riẹ o te jọ igbenu mẹ kẹse kẹse.
ב [Bet]
2 Mẹ* te rọ Jihova seha;+Enọ e be romakpotọ a ti yo a vẹ ghọghọ.
ג [Gimẹl]
3 Wha kuomagbe omẹ kẹ Jihova orro ulogbo;+Joma kuomagbe kpare odẹ riẹ kpehru.
ד [Dalẹt]
4 Mẹ nekpẹ mi Jihova, ọ tẹ kẹ omẹ uyo.+
O siwi omẹ no eware nọ i je ru ozọ mu omẹ kpobi.+
ה [He]
5 Ovao ahwo nọ a rẹroso ẹe kpobi o tẹ jọ sasasa;A sai ru oma vuọ ae he.
ז [Zayin]
6 Oruori nana o bo sei, Jihova o te yo.
O siwi rie no uye riẹ kpobi.+
ח [Hẹt]
7 Ukọ-odhiwu Jihova o bi rou* ahwo kpobi nọ a be dhozọ Riẹ,+Yọ ọ rẹ thọ ae.+
ט [Tet]
8 Dawo re whọ ruẹ nọ Jihova o woma;+Jọ eva e were ohwo nọ ọ dhẹ bru ei ze re ọ zọ.
י [Yod]
9 Wha dhozọ Jihova, whai erẹri riẹ kpobi,Keme oware ovo o rẹ kare enọ e be dhozọ riẹ hẹ.+
כ [Kaf]
10 Makọ ikpohrokpo egaga* dede, ohọo u bi kpe ai,Rekọ oware uwoma ovo o rẹ kare enọ e be gwọlọ Jihova ha.+
ל Lamẹd]
11 Wha nyaze, emezae mẹ, wha gaviezọ kẹ omẹ;Me ti wuhrẹ owhai ozodhẹ Jihova.+
מ [Mẹm]
12 Ono uzuazọ o were evaọ usu rai naỌ tẹ jẹ gwọlọ ruẹ edẹ iwoma buobu?+
נ [Nun]
13 O tẹ rrọ ere, whọ rẹ kpọ ẹrọo ra re o siọ eme iyoma ba ẹta,+Yọ whọ rẹ rehọ igbenu ra ta eme eviẹhọ họ.+
ס [Samẹk]
14 Siomano oware nọ u yoma re who ru oware nọ u woma;+Gwọlọ udhedhẹ je lei.*+
ע [Ayin]
15 Ibiaro Jihova i bi rri ikiẹrẹe na,+Yọ ezọ riẹ i bi yo ubo rai kẹ obufihọ.+
פ [Pe]
16 Rekọ ovao Jihova o wọso enọ i bi ru eware iyoma,Re o voro odẹ* rai no otọakpọ na no riẹriẹriẹ.+
צ [Sade]
17 A bo via, Jihova o te yo;+O siwi rai no uye rai kpobi.+
ק [Kof]
18 Jihova ọ kẹle enọ e rrọ ọkora;+O re siwi enọ e rrọ uweri.*+
ר [Resh]
19 Ebẹbẹ* ohwo okiẹrẹe e rrọ buobu,+Rekọ Jihova o bi siwi ei no aikpobi.+
ש [Shin]
20 Ọ be sẹro igbenwa riẹ kpobi;A wiri ọvuọvo rai hi.+
ת [Tọọ]
21 Uye u ti kpe ahwo omuomu na no;A ti brukpe enọ i mukpahe ahwo okiẹrẹe na.
22 Jihova o bi siwi uzuazọ* idibo riẹ;*A ti brukpe ohwo ọvuọvo nọ ọ dhẹ bru ei ze re ọ zọ họ.+
