Ilezi 66:1-20
Ro se ọnọ o wuzou ile na. Ole. Olezi.
66 Wha bo ubo obokparọ kẹ Ọghẹnẹ, whai otọakpọ na soso.+
2 Wha so ile jiri* odẹ oruaro riẹ.
Wha kẹe orro je jiri ei.+
3 Ta kẹ Ọghẹnẹ nọ: “Iruo ra i mu urirẹ kẹhẹ!+
Fiki ogaga ulogbo ra,Ewegrẹ ra a ti guzou kpotọ avọ iguegue evaọ aro ra.+
4 Akpọ na soso o ti guzou kpotọ kẹ owhẹ;+A te so ile jiri owhẹ;A te so ile jiri odẹ ra.”+ (Silah)
5 Nyaze ti rri eware nọ Ọghẹnẹ o ru.
Eware nọ o ru kẹ emọ ahwo i re mu ọwhewhe.+
6 O ru abade na zihe ruọ otọ oyaya;+A tẹ rọ owotọ fa ethẹ na vrẹ.+
Ma tẹ jọ etẹe ghọghọ fiki eware nọ o ru kẹ omai.+
7 Ọ be rọ ogaga riẹ su bẹdẹ bẹdẹ.+
Ibiaro riẹ i bi rri erẹwho na ẹsikpobi.+
Jọ enọ i bi veghe uzou a kpare omarai kpehru hu.+ (Silah)
8 Wha jiri Ọghẹnẹ mai, whai ahwo,+Jọ a yo edo ujiro riẹ.
9 Ọ be sẹro uzuazọ mai;+Ọ kuvẹ hẹ re awọ mai o zoruẹ.*+
10 Keme whọ kiẹ omai riwi no, O Ọghẹnẹ;+Who ru omai fo no, wọhọ epanọ a re ru isiliva fo na.
11 Who mu omai fihọ ẹriri;Whọ wọ owha ogbẹgbẹdẹ họ omai.*
12 Whọ kuvẹ re ohwo-akpọ gheghe ọ dhẹ ehru mai* vrẹ;Ma nya eva erae vrẹ jẹ nya ame vrẹ;Kẹsena whọ tẹ rehọ omai ziọ oria omofọwẹ.
13 Mẹ te rehọ idhe emahọ ziọ uwou ra;+Me ti ru eyaa nọ mẹ ya kẹ owhẹ gba+
14 Enọ mẹ rọ igbenu mẹ ya+Nọ mẹ rehọ unu mẹ ta, okenọ mẹ jọ uye.
15 Mẹ te rehọ erao epoporiẹ dhe idhe emahọ kẹ owhẹAvọ iwiri igbo nọ a ro dhe idhe.
Mẹ te rọ iruẹ gbe ikri dhe idhe. (Silah)
16 Wha nyaze re wha gaviezọ, whai enọ e be dhozọ Ọghẹnẹ kpobi,Mẹ vẹ te vuẹ owhai oware nọ o ru kẹ omẹ* no.+
17 Mẹ rọ unu mẹ bo seiJẹ rọ ẹrọo mẹ kẹe orro.
18 O hae jọ nọ me fi oware uyoma jọ họ udu mẹJihova ọ hae te gaviezọ kẹ omẹ hẹ.+
19 Rekọ Ọghẹnẹ o yo kẹ omẹ;+Ọ gaviezọ kẹ olẹ mẹ.+
20 Ujiro u te Ọghẹnẹ, ọnọ ọ siọ olẹ mẹ hẹYọ ọ siọ uyoyou riẹ nọ o rẹ hiẹ hẹ ba edhesẹ kẹ omẹ hẹ.
