Ilezi 148:1-14
148 Wha jiri Jah!*
Wha jiri Jihova evaọ obọ idhiwu na;+Wha jiri ei evaọ eria ikpehru na.
2 Wha jiri ei, whai ikọ-odhiwu riẹ kpobi.+
Wha jiri ei, whai ogbaẹmo riẹ kpobi.+
3 Wha jiri ei, whai ọre gbe ọvẹre na.
Wha jiri ei, whai isi nọ i bi lo na kpobi.+
4 Wha jiri ei, whai idhiwu nọ e mai kpehru kpobi na*Gbe ame obuobu nọ ọ rrọ obọ ehru idadeghe na.
5 Jọ a jiri odẹ Jihova,Keme ọye ọ ta nọ e romavia, yọ ọye ọ ma rai.*+
6 O ru rai re e jọ bẹdẹ bẹdẹ;+O jie uzi, onọ o rẹ vrẹ hẹ.+
7 Wha jiri Jihova evaọ otọakpọ na,Whai emama ilogbo obọ abade gbe ame odidi na kpobi,
8 Whai elo egbrara, oso-itho, ekpalekpa-ame, gbe ẹgho ọlala,Whẹ ofou ọwhibo nọ o bi ru lele ẹme riẹ,+
9 Whai igbehru gbe owhai ikpehru kpobi,+Whai ire nọ e rẹ mọ ibi gbe owhai ire sida kpobi,+
10 Whai erao ẹwọ,+ gbe owhai erao ẹwho kpobi,Whai emama nọ i bi si* evaọ otọ gbe evra nọ i wo ibekpe,
11 Whai ivie otọakpọ na gbe owhai erẹwho kpobi,Whai ikpahwo-esuo* gbe owhai kpobi nọ e rrọ ibruoziẹ otọakpọ na,+
12 Whai emezae gbe emetẹ,*Te ekpọkuezae gbe emaha na kpobi.*
13 Jọ a jiri odẹ Jihova,Keme odẹ riẹ ọvo u kpehru thesiwa.+
Oruaro riẹ u kpehru vi otọakpọ gbe odhiwu.+
14 O ti ru ahwo riẹ wo ẹgba vi epaọ anwẹdẹ,*Re a jiri enọ i bi yoẹme kẹe kpobi,Re a jiri emezae Izrẹl, ahwo nọ a kpekpe riẹ oma.
Wha jiri Jah!*
Eme-Obotọ
^ Hayo “Aleluya!; Halelujah!” “Jah” yọ ubro odẹ na Jihova.
^ Evaọ Hibru, “idhiwu erọ idhiwu na.”
^ Hayo “Keme o jie uzi, a tẹ ma ae.”
^ Onana u kugbe enọ e rẹ katiẹ.
^ Hayo “emezae-ivie.”
^ Evaọ Hibru, “emetẹ-kọkọ.”
^ Hayo “Te ekpako te emaha.”
^ Evaọ Hibru, “Ọ te kpare uzei ahwo riẹ kpehru.”
^ Hayo “Aleluya!; Halelujah!” “Jah” yọ ubro odẹ na Jihova.
