Kpohọ eme nọ e riẹ eva

Kpohọ oria izoẹme

 ONỌ AVỌ 6

Eme Ebaibol na Ọ Ruẹaro Riẹ Kpahe Mesaya Na?

ERUẸARUẸ

“O whẹ Bẹtlẹhẹm Efrata, . . . eva ra ọnọ ọ te jọ osu kẹ omẹ evaọ Izrẹl o ti no ze.”

Maeka 5:2

ORUGBA RIẸ

“Nọ a yẹ Jesu no evaọ Bẹtlẹhẹm ọrọ Judia evaọ edẹ Herọd ovie na, rri! enọ i re rri isi obehru rọ gbẹva a te no obọ Ovatha-Ọre ziọ Jerusalẹm.”

Matiu 2:1

ERUẸARUẸ

“A ghale iwu mẹ fihọ omoma rai, a ma ẹta fiki ewu mẹ.”

Olezi 22:18

ORUGBA RIẸ

“Whaọ nọ isoja na e tehe Jesu fihọ ure na no, a tẹ rehọ iwu ehru riẹ, a tẹ ghale ae kpohọ abane . . . Rekọ ewu obeva na o wo oria ọvo nọ a jo koi hi, a zuo rie no ehru duwu otọ. Fikiere, a tẹ ta kẹ ohwohwo nọ: ‘Ma bẹre iẹe he, rekọ wha joma ma ẹta re ma riẹ ohwo nọ ọ rẹ rehọ iẹe.’”

Jọn 19:23, 24

 ERUẸARUẸ

“Ọ be sẹro igbenwa riẹ kpobi; a wiri ọvuọvo rai hi.”

Olezi 34:20

ORUGBA RIẸ

“Nọ a nyate Jesu oma, a tẹ ruẹ nọ o whu no, a gbe wiri awọ riẹ hẹ.”

Jọn 19:33

ERUẸARUẸ

“A duwu i rie fiki uzioraha mai.”

Aizaya 53:5

ORUGBA RIẸ

“Omọvo isoja na jọ ọ tẹ rehọ ozuẹ duwu abefẹ riẹ, azẹ gbe ame e tẹ nwani hwẹ ze.”

Jọn 19:34

ERUẸARUẸ

“A tẹ hwa osa mẹ, ewẹ isiliva ọgba.”

Zẹkaraya 11:12, 13

ORUGBA RIẸ

“Kẹsena omọvo Ikpegbivẹ na, ọnọ a re se Judas Iskariọt, ọ tẹ nyabru ilori izerẹ na, ọ tẹ ta kẹ ae nọ: ‘Eme wha te kẹ omẹ re me vivie iei kẹ owhai?’ A tẹ rọwo nọ a rẹ kẹe ewẹ isiliva ọgba.”

Matiu 26:14, 15; 27:5