Ilezi 144:1-15
Orọ Devidi.
144 Jọ ujiro u te Jihova, Utho mẹ,+Ọnọ o bi wuhrẹ abọ mẹ kẹ ohọre,Je wuhrẹ iziabọ mẹ kẹ ẹmo-ofio.+
2 Ọye o bi dhesẹ uyoyou nọ o rẹ hiẹ hẹ kẹ omẹ, ọ tẹ jẹ rrọ oria omofọwẹ mẹ,Oria adhẹzọ* mẹ nọ o foma gbe osiwi mẹ,Ojese mẹ gbe Ọnọ mẹ dhẹ ruọ otọ riẹ,+Ọnọ o bi fi ahwo kparobọ kẹ omẹ.+
3 O Jihova, ono họ ohwo-akpọ nọ who bi ro muẹrohọ iẹe,Ono họ ọmọ ohwo-akpọ nọ whọ be rọ daezọ riẹ?*+
4 Ohwo-akpọ ọ wọhọ ẹwẹ gheghe nọ a ku ze;+Edẹ uzuazọ riẹ e wọhọ uwoho nọ o rẹ rayẹ no.+
5 O Jihova, go* idhiwu ra ziọ otọ re who nwrotọ ze;+Rọ obọ te igbehru na re who ru ai kuye iwiri.+
6 Ru elo egbrara lo re whọ vaha ewegrẹ na;+Sa ese ra re who ru ai reghe no.+
7 Rriẹ abọ ra no obọ ehru ze;Siwi omẹ re whọ jẹ thọ omẹ no ame obuobu nọ o bi fi ẹkporo na,No obọ ahwo erẹwho efa,*+
8 Enọ e rẹ rọ unu rai ta erueJẹ kpare obọze rai kpehru ro duwu iyei ọrue.*
9 O Ọghẹnẹ, mẹ te so ole ọkpokpọ kẹ owhẹ.+
Mẹ te so ile jiri* owhẹ, avọ okwakwa ikporakporo nọ u wo ifi ikpe nọ me bi kporo,
10 Nọ me bi kporo kẹ Ọnọ ọ rẹ kẹ ivie obokparọ,*+Ọnọ o bi siwi Devidi odibo riẹ no ọgbọdọ ọdada na.+
11 Siwi omẹ re whọ jẹ thọ omẹ no obọ ahwo erẹwho efa,Enọ e be rọ unu rai ta erueNọ e be kpare obọze rai kpehru ro duwu iyei ọrue.
12 Kẹsena emezae mai e vẹ te wọhọ ekakọ eboba nọ e rẹ rro vẹrẹ vẹrẹ,Emetẹ mai e vẹ te wọhọ ipila ibienẹ nọ a nabe kare ro vi ighẹ ovie.
13 Iwou nọ ma rẹ jọ sẹro* eware e vẹ te vọ kpọhọhwẹ avọ oghoghẹrẹ emu;Ithuru erao mai e vẹ te hai yẹ idu buobu, je yẹ idu ikpe eko buobu.
14 Iruẹ mai nọ i dihọ te eyẹ no i ti wo ẹbẹbẹ hẹ,* yọ eva i ti no ai hi;Unubo ovuovo u ti no iko-ore mai ze he.
15 Jọ eva e were ahwo nọ eware e rrọ enẹ kẹ!
Jọ eva e were ahwo nọ Jihova ọ rrọ Ọghẹnẹ rai!+
