Ilezi 62:1-12
Ro se ọnọ o wuzou ile na; orọ Jedutọn.* Ole Devidi.
62 Evaọ uzẹme, me* fibo be hẹrẹ Ọghẹnẹ.
Obọ riẹ esiwo mẹ o re no ze.+
2 Evaọ uzẹme, ọye họ utho mẹ gbe esiwo mẹ, oria adhẹzọ* mẹ nọ o foma;+Me ti nuhu vrẹta vievie he.+
3 Ẹvẹ whọ rẹ họre ohwo kri te re who kpei no?+
Whai kpobi wha rrọ yoyoma wọhọ ugbẹhẹ nọ u nwo rẹrẹ no, ugbẹhẹ itho nọ o gwọlọ kie.*
4 Keme a si uzou kokohọ gba ẹgwae epanọ a re ro gele iei no oria ukpehru* riẹ fihọ otọ;Erueta e rẹ were ae.
A rẹ rọ unu rai lẹ ẹro eghale, rekiyọ a be jọ obeva bọwo ehao.+ (Silah)
5 Evaọ uzẹme, me fibo be hẹrẹ* Ọghẹnẹ+Keme ọye ọ be kẹ omẹ ẹruore.+
6 Evaọ uzẹme, ọye họ utho mẹ gbe esiwo mẹ, oria adhẹzọ mẹ nọ o foma;Me ti nuhu vievie he.+
7 Obọ Ọghẹnẹ esiwo mẹ gbe oruaro mẹ o rrọ.
Utho ọgaga mẹ gbe oria adhẹzọ mẹ họ Ọghẹnẹ.+
8 Wha fievahọ iẹe oke kpobi, O whai ahwo.
Wha ta eva rai kpobi kẹe.+
Ọghẹnẹ họ oria adhẹzọ rọkẹ omai.+ (Silah)
9 Emọ ahwo-akpọ yọ ẹwẹ gheghe nọ a ku ze,Emọ ahwo-akpọ a rẹ viẹ ohwo họ.+
Nọ a te fi aikpobi họ iskeli, a vovo vi ẹwẹ gheghe nọ a ku ze.+
10 Whọ rẹroso ofruriọ họHayo rẹroso ewhariọ họ* keme oyena yọ ẹruọrọsuọ ofofe.
Nọ efe ra o te vihọ, who fi udu ra họ iẹe he.+
11 Ẹsiẹvo Ọghẹnẹ ọ ta ẹme, isiava me yo onana:
Inọ Ọghẹnẹ họ ọnọ o wo ẹgba.+
12 U te no ere no, uyoyou nọ o rẹ hiẹ hẹ yọ ora, O Jihova,+Keme whọ rẹ hwosa kẹ omomọvo wọhọ epaọ iruo riẹ.+
Eme-Obotọ
^ Hayo “oria ukpehru.”
^ Hayo o sae jọ nọ, “Whai kpobi, wọhọ ẹsenọ ọ rrọ ugbẹhẹ nọ u nwo rẹrẹ no, ugbẹhẹ itho nọ o gwọlọ kie.”
^ Hayo “orro.”
^ Hayo “uji-utho ho.”
