Ilezi 106:1-48

  • Ahwo Izrẹl a wo edẹro ho

    • O raha oke re eware nọ Ọghẹnẹ o ru e tẹ te thọrọ ae ẹro ho (13)

    • A rehọ oruaro Ọghẹnẹ kẹ ẹmema eruẹ (19, 20)

    • A fi ẹrọwọ họ eyaa Ọghẹnẹ hẹ (24)

    • A kuomagbe egagọ Bale (28)

    • A rọ emọ rai dhe idhe kẹ idhivẹri (37)

106  Wha jiri Jah!* Wha yere Jihova, keme ọ rrọ wowoma;+Uyoyou riẹ nọ o rẹ hiẹ hẹ o rẹ jọ bẹdẹ bẹdẹ.+   Ono ọ rẹ sae ta kpahe iruo igbunu Jihova kpobiHayo sai whowho iruẹru riẹ nọ i fo ejiro kpobi?+   Eva e were enọ i re ru oware nọ u kiete,Enọ i re ru oware nọ u kiehọ ẹsikpobi.+   Kareghẹhọ omẹ, O Jihova, okenọ who ti ru ewoma* kẹ ahwo ra.+ Rẹrote omẹ re who siwi omẹ,   Re ewoma nọ who ti ru kẹ enọ whọ salọ o sai te omẹ,+Re me kuomagbe orẹwho ra ghọghọ,Re me kuomagbe ahwo* ra jiri owhẹ ududu.*   Ma raha uzi no wọhọ epanọ esẹ-esẹ mai a ru;+Ma ru thọ no; ma ru oware umuomu no.+   Esẹ-esẹ mai nọ e jọ obọ Ijipti a wo edẹro kẹ* iruo igbunu ra ha. A kareghẹhọ uyoyou ulogbo ra nọ o rẹ hiẹ hẹ hẹ,Rekọ a wọso owhẹ evaọ obọ abade na, Abade Ọwawae na.+   Rekọ o siwi rai fiki odẹ riẹ,+Re a riẹ epanọ o wo ẹgba te.+   Ọ whọku Abade Ọwawae na, ọ tẹ kpọ muotọ;O su rai nya oria odidi na vrẹ wọhọ ẹsenọ o rrọ udhude;+ 10  O siwi rai no obọ enọ i mukpahe ae+Jẹ rehọ ae no obọ ọwegrẹ na ze.+ 11  Ame obuobu na o ruru enọ e jẹ wọso ae;Omọvo rai dede ọ zọ họ.*+ 12  Kẹsena a te fi ẹrọwọ họ eyaa riẹ;+A te mu ile họ ẹso bi jiri ei.+ 13  Rekọ u kri hi, eware nọ o ru e tẹ thọrọ ae ẹro;+A hẹrẹ ohrẹ nọ ọ te kẹ ae he. 14  A kuvẹ re urusio oriobọ rai u su ai;+A dawo Ọghẹnẹ evaọ udhude na.+ 15  Ọ kẹ rai oware nọ a gwọlọ,Rekọ ọ tẹ rehọ ẹyao tehe ae nọ o kpe rai.*+ 16  A te mu Mosis ihri họ ẹre evaọ evuẹ naAvọ Erọn,+ ohwo ọrẹri Jihova na.+ 17  Otọ na u te rovie o tẹ lọ DetanJe ruru enọ i kokohọ kugbe Abaeram.+ 18  Erae i vo mu ogbotu rai;Ebruerae ọ mahe ahwo omuomu na kpe.+ 19  A ru ọmọ-eruẹ evaọ HorẹbJe guzou kpotọ kẹ ẹmema igoru;*+ 20  A rehọ oruaro mẹKẹ ẹmema eruẹ nọ ọ rẹ re ẹbe.+ 21  Ọghẹnẹ ọ thọrọ e rai ẹro,+ ọnọ ọ rrọ Osiwi rai,Ọnọ o ru ikpeware evaọ Ijipti,+ 22  Iruo igbunu evaọ ẹkwotọ Ham,+Eware urirẹ evaọ Abade Ọwawae na.+ 23  Ọ jẹ te ta nọ a kpe ai kpobi no,Rekọ Mosis ọnọ ọ salọ na ọ tẹ lẹe*Re o zihe ofu ọraha riẹ.+ 24  A te rri emamọ otọ na vo;+A fi ẹrọwọ họ eyaa riẹ hẹ.+ 25  A tẹ ruabọhọ be go evaọ iwou-udhu rai;+A gaviezọ kẹ urru Jihova ha.+ 26  Fikiere ọ tẹ kpare obọ riẹ kpehru duwu iyeiInọ o ti ru re a whu fihọ udhude na;+ 27  O ti ru re emọ rai a whu fihọ udevie erẹwho na,Yọ ọ te vaha ae fihọ ekwotọ na kpobi.+ 28  Kẹsena a te kuomagbe egagọ* Bale ọrọ Piọ,+A tẹ re eware nọ a ro dhe idhe kẹ enọ i whu no.* 29  A rehọ iruẹru rai ru eva dhae,+Uye u te te ai.*+ 30  Rekọ nọ Finihas ọ kpama je ru oware jọ kpahe onana no,Uye na u te kuhọ.*+ 31  A te kele iei kẹe wọhọ ẹrẹreokieRite ige na kpobi bẹdẹ bẹdẹ.+ 32  A ru eva dhae evaọ obọ ame Mẹriba,*Eware e gbẹ riẹ nya kẹ Mosis hi fiki rai.+ 33  A ru eva dha ẹzi riẹ gaga,Ọ tẹ rọ igbenu riẹ duwu eme họ kẹ ae.+ 34  A kpe ahwo na muotọ họ,+Wọhọ epanọ Jihova o jie uzi kẹ ae.+ 35  Rekọ a mu usu kugbe ahwo erẹwho na+Jẹ rọ aro kele* idhere rai.+ 36  A ruabọhọ jẹ gọ emedhọ rai,+Enana e tẹ jọ agbefẹ rọkẹ ae.+ 37  A jẹ rọ emezae raiGbe emetẹ rai dhe idhe kẹ idhivẹri.+ 38  A ruabọhọ je kpe azẹ ekueku,+Azẹ emezae gbe emetẹ obọraiEnọ a ro dhe idhe kẹ emedhọ Kenan;+A te zue otọ na fiki azẹ-okpe rai. 39  Iruẹru rai i ru rai fihọ enọ e fo ho;A lele eghẹnẹ efa bru igberẹ* ẹkwoma iruẹru rai.+ 40  Fikiere ofu o te mu Jihova kẹ ahwo riẹ gaga,Onọ o soriẹ nọ ahwo* riẹ a jẹ rọ tọtọ iẹe oma. 41  O siobọno ai kẹ ahwo erẹwho na unuẹse buobu,+Re ahwo nọ a mukpahe ae a ruẹsi su ai.+ 42  Ewegrẹ rai a je kienyẹ ae,Yọ a jọ otọ esuo* rai. 43  O siwi rai ẹsibuobu,+Rekọ a jẹ wọso ẹe jẹ ghẹmeeyo,+Kẹsena o ve hrẹ rai kpotọ fiki iruthọ rai.+ 44  Rekọ o je muẹrohọ idhọvẹ rai+Yọ o je yo ubo rai kẹ obufihọ.+ 45  Kẹsena ọ vẹ kareghẹhọ ọvọ riẹ fiki rai,Ọ vẹ re ohrọ rai,* fiki uyoyou ulogbo riẹ* nọ o rẹ hiẹ hẹ.+ 46  O ve ru re ahwo kpobi nọ a mu rai kpohọ igboA re ohrọ rai.+ 47  Siwi omai, O Jihova Ọghẹnẹ mai,+Re who koko omai họ no erẹwho na ze+Re ma ruẹsi jiri odẹ ọrẹri raJẹ rọ oghọghọ jiri owhẹ.*+ 48  Jọ a jiri Jihova Ọghẹnẹ IzrẹlBẹdẹ bẹdẹ.*+ Jọ ahwo na kpobi a ta nọ, “Ami!”* Wha jiri Jah!*

Eme-Obotọ

Hayo “Aleluya!; Halelujah!” “Jah” yọ ubro odẹ na Jihova.
Hayo “dhesẹ aruoriwo.”
Hayo “ukuoriọ.”
Hayo “rehọ owhẹ seha.”
Hayo “wo otoriẹ.”
Hayo “o kiọkọ họ.”
Evaọ Hibru, “o vi ẹdọ (ẹyafia) ruọ nifẹsh rai.” Rri oria Otofa Eme.
Hayo “ẹmema nọ a ghra igoru ro ru.”
Evaọ Hibru, “o te dikihẹ aro riẹ.”
Hayo “tuomahọ.”
Koyehọ, idhe nọ a dhe kẹ ahwo nọ a whu no hayo rọkẹ eghẹnẹ nọ i wo uzuazọ họ.
Hayo “Ẹyao o te te ai.”
Hayo “Ẹyao na o te kpo.”
Otofa riẹ họ “Ẹwhọ.”
Hayo “Je wuhrẹ.”
Koyehọ, a nyae gọ eghẹnẹ efa.
Hayo “ukuoriọ.”
Hayo “ogaga.” Evaọ Hibru, “obọ.”
Hayo “O vẹ dae.”
Hayo “fikinọ ọ vọ avọ uyoyou.”
Hayo “ghọghọ fiki ujiro ra.”
Hayo “No ebẹdẹ rite ebẹdẹ.”
Hayo “Ere o rẹ jọ!”
Hayo “Aleluya!; Halelujah!” “Jah” yọ ubro odẹ na Jihova.