Ilezi 135:1-21

  • Jiri Jah rọkẹ oruaro riẹ

    • Eware eka gbe iruo igbunu nọ ọ rọ kẹ Ijipti uye (8, 9)

    • “Odẹ ra o rẹ jọ bẹdẹ bẹdẹ” (13)

    • Emedhọ nọ i wo uzuazọ họ (15-18)

135  Wha jiri Jah!* Wha jiri odẹ Jihova;Wha jiri ei, whai idibo Jihova,+   Whai enọ i dikihẹ uwou Jihova,Evaọ ighẹ uwou Ọghẹnẹ mai.+   Wha jiri Jah, keme Jihova o woma.+ Wha so ile jiri* odẹ riẹ, keme o rẹ were oma.   Keme Jah ọ salọ Jekọp kẹ omariẹ no,Ọ salọ Izrẹl no re ọ jọ okwakwa obọdẹ* riẹ.+   Keme mẹ riẹ vevẹ nọ Jihova ọ rrọ ruaro;Olori mai ọ rro vi eghẹnẹ efa kpobi.+   Jihova o re ru oware kpobi nọ o were riẹ+Evaọ obọ odhiwu gbe otọakpọ, evaọ ebade gbe eria ididi na kpobi.   O re ru ẹgho* kuye kpehru no oka avọ oka otọakpọ na ze;O re ru elo egbrara lo lele oso;*Ọ rẹ rehọ ofou na no iwou riẹ nọ ọ rẹ jọ sẹro* eware ze.+   O kpe emọ ọsosuọ IjiptiTe erọ ahwo te erọ erao.+   O ru eware eka gbe iruo igbunu evaọ udevie ra, O Ijipti,+Enọ ọ rọ kẹ Fẹro avọ idibo riẹ uye.+ 10  Ọ raha erẹwho buobu no+Je kpe ivie egaga,+ 11  O kpe Saehọn ovie Ahwo Amọ,+Ọg ovie Beshan,+Jẹ raha ekwotọ-ivie Kenan kpobi. 12  Ọ rehọ otọ rai kẹ omai re ma rọ reuku,Re o jọ ukuoriọ Izrẹl, ahwo riẹ.+ 13  O Jihova, odẹ ra o rẹ jọ bẹdẹ bẹdẹ. O Jihova, odẹ* ra u re do evaọ ige na kpobi.+ 14  Keme Jihova ọ rẹ thọ* ahwo riẹ,+Yọ o ti wo ọdawẹ kẹ* idibo riẹ.+ 15  Isiliva gbe igoru a ro ru emedhọ erẹwho na,Iruo abọ ahwo-akpọ.+ 16  A wo unu, rekọ a rẹ sae ta ẹme he;+A wo ibiaro, rekọ a rẹ sae ruẹ ude he; 17  A wo ezọ, rekọ a rẹ sai yo ẹme he. Ẹwẹ ọvo ọ rrọ ighogho-inwe* rai hi.+ 18  Ahwo nọ a ru rai a te jọ wọhọ e rai,+Te enọ i fievahọ ai kpobi.+ 19  O whai uwou Izrẹl, wha jiri Jihova. O whai uwou Erọn, wha jiri Jihova. 20  O whai uwou Livae, wha jiri Jihova.+ Whai enọ e be dhozọ Jihova, wha jiri Jihova. 21  Jọ a jiri Jihova no Zayọn ze,+Ọnọ ọ be rria Jerusalẹm na.+ Jiri Jah!+

Eme-Obotọ

Hayo “Aleluya!; Halelujah!” “Jah” yọ ubro odẹ na Jihova.
Hayo “Wha kporo ile kẹ.”
Hayo “okwakwa oghaghae.”
Hayo “erri.”
Hayo o sae jọ nọ, “O re ru inu nọ oso o re ro hwẹ ze.”
Hayo “rawo.”
Evaọ Hibru, “ekareghẹhọ.”
Hayo “thothọ.”
Hayo “o te dae kẹ.”
Hayo “unu.”