Ilezi 33:1-22
33 Wha do edo oghọghọ fiki Jihova, whai ikiẹrẹe na.+
U kiehọ re ahwo nọ a kiete a jiri ei.
2 Rehọ akpata yere Jihova;So ile jiri ei* avọ okwakwa ikporakporo nọ o wo ifi ikpe.
3 So ole ọkpokpọ kẹe;+Rọ onaa salọ ifi na avọ ubo oghọghọ.
4 Keme ẹme Jihova ọ gbakiete,+Yọ a re fievahọ oware kpobi nọ o ru.
5 O you ẹrẹreokie gbe uvioziẹ.+
Uyoyou Jihova nọ o rẹ hiẹ hẹ o da otọakpọ na fia.+
6 Ẹme Jihova a rọ ma idhiwu na,+Yọ ẹzi* unu riẹ a rọ ma eware kpobi nọ e rrọ eva rai.*
7 O koko ame abade na họ wọhọ ẹsenọ o di ogba wariẹe họ;+O fi ame nọ o bi fi ẹkporo na họ iwou nọ a rẹ jọ sẹro* eware.
8 Jọ otọakpọ na kpobi o dhozọ Jihova.+
Jọ ọwhewhe riẹ o mu ahwo nọ a be rria otọ na.
9 Keme ọ ta ẹme, ẹme na o te rugba;+Ọ ta oware nọ o rẹ via, o tẹ ginẹ via.+
10 Jihova ọ raha omaa umuomu erẹwho na* no+Ọ raha omaa* ahwo na ku ai no.+
11 Rekọ iroro nọ Jihova ọ jẹ e te jọ bẹdẹ bẹdẹ;+Eware nọ o roro evaọ udu riẹ e te jọ no oge te oge.
12 Jọ eva e were orẹwho nọ Jihova ọ rrọ Ọghẹnẹ rai,+Ahwo nọ ọ salọ re a jọ ahwo* obọriẹ.+
13 Jihova o bi rri no obọ odhiwu ze;Ọ be ruẹ emọ ahwo kpobi.+
14 Evaọ oria nọ ọ be rria na,Ọ be jọ etẹe tẹrovi ahwo nọ a be rria otọakpọ na.
15 Ọye họ ọnọ ọ ma* udu ohwo kpobi;Ọ be kiẹ iruo rai kpobi riwi.+
16 Ovie ọvuọvo nọ ogbaẹmo ulogbo u re siwi ọ rrọ họ;+Ọgba ọvuọvo nọ ogaga ulogbo riẹ u re siwi ọ rrọ họ.+
17 Ẹruore ofofe o rrọ re a rẹroso anyenya kẹ esiwo;*+Ẹgba ologbo riẹ ọ nwani dhesẹ nọ ohwo ọ te dhẹ vabọ họ.
18 Rri! Ubiẹro Jihova u bi rri enọ e be dhozọ riẹ,+Enọ e be hẹrẹ iẹe re o dhesẹ uyoyou riẹ nọ o rẹ hiẹ hẹ na,
19 Re o siwi ai no uwhuJẹ sẹro uzuazọ rai evaọ okenọ ohọo u bi mu.+
20 Ma bi rẹro Jihova.
Ọye họ ofiobọhọ mai gbe ojese mai.+
21 Udu mai o be ghọghọ fiki riẹ,Keme ma rẹroso odẹ ọrẹri riẹ.+
22 Dhesẹ uyoyou ra nọ o rẹ hiẹ hẹ na kẹ omai, O Jihova,+Nọ ma be hẹrẹ owhẹ na.+
Eme-Obotọ
^ Hayo “Kporo ile kẹe.”
^ Hayo “ẹwẹ-okuo.”
^ Evaọ Hibru, “ma ogbaẹmo rai kpobi.”
^ Hayo “rawo.”
^ Hayo “iroro.”
^ Hayo “iroro nọ erẹwho na a jẹ.”
^ Hayo “okwakwa.”
^ Hayo “ọnọ ọ be ma.”
^ Hayo “efikparobọ.”
