Ilezi 24:1-10
-
Ovie oruaro na ọ nya inuethẹ na ruọ eva
-
“Jihova họ ọnọ o wo otọakpọ na” (1)
-
Orọ Devidi. Ole.
24 Jihova họ ọnọ o wo otọakpọ na gbe eware kpobi nọ e rrọ eva riẹ,+Otọ na gbe enọ e be rriae.
2 Keme ọye ọ rehọ e riẹ vi kokoroko eva abade na+Ọ rehọ e riẹ vi kothi eva ithẹ na.
3 Ono ọ rẹ sae gadiẹ kpobọ ugbehru Jihova,+Ono ọ rẹ sai dikihẹ oria ọrẹri riẹ?
4 Ohwo kpobi nọ abọ riẹ ọ fo nọ udu riẹ o fo,+Ọnọ ọ rẹ rehọ Omẹ* duwu iyei ọrue he,Nọ o re duwu iyei eviẹhọ họ.+
5 Jihova ọ te ghale iẹe+Ọghẹnẹ esiwo riẹ o ti bru uvioziẹ kẹe.*+
6 Oge nana yọ oge nọ ọ be gwọlọ iẹe,Enọ e be gwọlọ ovao ra, O Ọghẹnẹ Jekọp. (Silah)
7 Wha kpare izou rai kpehru, whai inuethẹ;+Wha rovie,* whai inuethẹ anwae,Re Ovie oruaro na ọ ruọ eva!+
8 Ono họ Ovie oruaro nana?
Jihova, ọgba nọ ọ rrọ ruaro na,+Jihova, ọgbaẹmo ologbo na.+
9 Wha kpare izou rai kpehru, whai inuethẹ;+Wha rovie, whai inuethẹ anwae,Re Ovie oruaro na ọ ruọ eva!
10 Ono họ Ovie oruaro nana?
Jihova olori egbaẹmo na—ọye họ Ovie oruaro na.+ (Silah)
Eme-Obotọ
^ Hayo “uzuazọ Mẹ,” o be ta kpahe uzuazọ Jihova nọ ohwo o re ro duwu iyei.
^ Hayo “ọ te rehọ iẹe fihọ ohwo okiẹrẹe.”
^ Hayo “Wha kpama kpehru.”
