Ilezi 16:1-11

  • Jihova họ Ọnọ eware iwoma kpobi i bi no obọ riẹ ze

    • “Jihova họ ẹkẹ mẹ” (5)

    • ‘Iroro mẹ e rẹ kpọ omẹ vi evaọ aso’ (7)

    • ‘Jihova ọ rrọ obọze mẹ’ (8)

    • “Whọ te siọ omẹ ba Uki hi” (10)

Miktam* orọ Devidi. 16  Thọ omẹ, O Ọghẹnẹ, keme whẹ mẹ dhẹ bru re whọ jọ oria adhẹzọ mẹ.+  2  Mẹ ta kẹ Jihova nọ: “Whẹ họ Jihova, Ọnọ eware iwoma kpobi i bi no obọ riẹ ze te omẹ.  3  Yọ erẹri otọakpọ na,Ahwo nọ a wo ọghọ na* a bi ru eva were omẹ gaga.”+  4  Ahwo nọ a be dhẹ lele eghẹnẹ efa a bi ru idhọvẹ rai bu.+ Me re ku idhe udi orọ azẹ rai vievie he,Yọ igbenu mẹ e rẹ fodẹ edẹ rai hi.+  5  Jihova họ ẹkẹ mẹ, ẹkẹ nọ a ghale te omẹ,+ gbe egho mẹ.+ Whọ be thọ ukuoriọ mẹ.  6  A rọ ufi ma emamọ eria kẹ omẹ no. Ẹhẹ, ukuoriọ mẹ o da omẹ ẹro.+  7  Me re jiri Jihova, nọ ọ kẹ omẹ ohrẹ.+ Makọ evaọ aso, iroro mẹ nọ e mai diwi* e rẹ kpọ omẹ vi.+  8  Me fi Jihova họ aro mẹ kẹse kẹse.+ Fikinọ ọ rrọ obọze mẹ, oware ovo u re nuhu omẹ vievie he.*+  9  Fikiere udu mẹ o be ghọghọ, oghọghọ o da omẹ oma* fia. Yọ mẹ be rria* avọ omofọwẹ. 10  Keme whọ te siọ omẹ ba* Uki hi.*+ Whọ te kuvẹ re ọnọ ọ talamu owhẹ na ọ ruẹ ọgọdọ họ.*+ 11  Who dhesẹ edhere uzuazọ kẹ omẹ.+ Oghọghọ ulogbo o rrọ aro ra;*+Evawere e rrọ* obọze ra bẹdẹ bẹdẹ.

Eme-Obotọ

^ Rri oria Otofa Eme.
^ Hayo “Ahwo nọ a riẹ odẹ na; Ikpahwo na.”
^ Hayo “iroro ididi obeva mẹ.” Evaọ Hibru, “ibieku mẹ.”
^ Hayo “me re zoruẹ vievie he.”
^ Evaọ Hibru, “oruaro mẹ.”
^ Hayo “Yọ uwo mẹ o be rria.”
^ Evaọ Hibru, “siọ nifẹsh mẹ ba kẹ.” Rri oria Otofa Eme.
^ Hayo “Sheol hu.” Rri oria Otofa Eme.
^ Hayo o sae jọ nọ, “o gbo ho.”
^ Hayo “Awere ọ rrọ.”
^ Evaọ Hibru, “kugbe ovao ra.”

Copyrights for this publication