Ilezi 105:1-45

  • Jihova o koko eyaa nọ ọ ya kẹ ahwo riẹ

    • Ọghẹnẹ ọ rẹ kareghẹhọ ọvọ riẹ (8-10)

    • “Wha rọ obọ te enọ me wholo ho” (15)

    • Ọghẹnẹ ọ rọ Josẹf nọ a fihọ uwou-odi ro ru iruo (17-22)

    • Iruo igbunu Ọghẹnẹ evaọ Ijipti (23-36)

    • Oghẹrẹ nọ ahwo Izrẹl a ro no Ijipti (37-39)

    • Ọghẹnẹ ọ kareghẹhọ eyaa riẹ kẹ Abraham (42)

105  Wha yere Jihova,+ wha bo se odẹ riẹ,Wha dhesẹ iruẹru riẹ via evaọ udevie ahwo na!+   Wha so ile kẹe, wha so ile ujiro* kẹe,Wha roro kpahe* iruo igbunu riẹ kpobi.+   Wha rehọ odẹ ọrẹri riẹ seha.+ Jọ udu ahwo nọ a be gwọlọ Jihova o ghọghọ.+   Wha gwọlọ Jihova+ avọ ẹgba riẹ. Wha gwọlọ ovao riẹ* kẹse kẹse.   Wha kareghẹhọ iruo igbunu nọ o ru no,Iruo igbunu riẹ gbe iziẹibro nọ o whowho via no,+   Whai emọ* Abraham odibo riẹ,+Whai emezae Jekọp, enọ ọ salọ.+   Ọye họ Jihova Ọghẹnẹ mai.+ Iziẹibro riẹ i re kpomahọ otọakpọ na soso.+   Ọ rẹ kareghẹhọ ọvọ riẹ bẹdẹ bẹdẹ,+Eyaa nọ ọ ya* kẹ ige odu,+   Ọvọ nọ ọ re kugbe Abraham,+Gbe iyei nọ o duwu kẹ Aiziki,+ 10  Onọ ọ kẹ imuẹro riẹ ẹkwoma uzi nọ o fihọ kẹ JekọpGbe ọvọ ebẹdẹ bẹdẹ kẹ Izrẹl, 11  Inọ, “Mẹ te kẹ owhẹ ẹkwotọ Kenan+Re o jọ ukuoriọ nọ a ghale kẹ owhẹ.”+ 12  Onana o via evaọ okenọ a jọ kakao,+Ẹhẹ, okenọ a jọ kakao gaga, yọ a jọ erara evaọ ẹkwotọ na.+ 13  A jẹ nya no orẹwho ruọ orẹwho,No uvie jọ bru amọfa.+ 14  Ọ kẹ ohwo ọvo uvẹ re o kienyẹ ae he,+Rekọ ọ whọku ivie fiki rai,+ 15  Inọ, “Wha rọ obọ te enọ me wholo ho,Yọ wha ru eruẹaro mẹ oware uyoma ovo ho.”+ 16  O ru ohọo mu evaọ ẹkwotọ na;+O ru nọ a gbe ro wo ebrẹdi hi.* 17  O vi ohwo jọ karo kẹ aeJosẹf, ọnọ a zẹ kpohọ igbo.+ 18  A fi egbregba họ iẹe* awọ,+A fi uriohọ riẹ họ eyọno;* 19  Bọo oke nọ ẹme riẹ o ro rugba,+Ẹme Jihova họ oware nọ o nabi ru ei woma* ziezi. 20  Ovie na o vi ohwo nyai si ei no uwou-odi,+Osu ahwo na ọ ta nọ a siobọnoi. 21  O fi rie họ olori uwou riẹ,Osu nọ o wuzou eware riẹ kpobi,+ 22  Re o wo udu nọ o re ro su* ikpahwo-esuo na epanọ u je rie*Re o je wuhrẹ ekpako riẹ areghẹ.+ 23  Kẹsena Izrẹl ọ tẹ ziọ Ijipti,+Jekọp ọ tẹ jọ ọrara nọ ọ jẹ rria ẹkwotọ Ham. 24  Ọghẹnẹ o ru ahwo riẹ bu gaga;+O ru rai wo ogaga vi enọ e jẹ wọso ae,+ 25  Enọ ọ kuvẹ inọ a nwene iroro* rai re a mukpahe ahwo riẹ,Re a gba ẹgwae oyoma kpahe idibo riẹ.+ 26  O vi Mosis odibo riẹ,+Gbe Erọn nọ ọ salọ.+ 27  A ru eware eka riẹ evaọ udevie rai,Gbe iruo igbunu riẹ evaọ ẹkwotọ Ham.+ 28  O vi ebi ze, ẹkwotọ na o te muebi;+A wọso eme riẹ hẹ. 29  O zihe ame rai ruọ azẹJe kpe iyei rai no.+ 30  Ẹkwotọ rai ọ vọ avọ ikere,+Makọ iwou isu na dede. 31  O vi ere-eni re e vẹruọ aeJe vi etọle ruọ ekwotọ rai kpobi.+ 32  O zihe oso rai ruọ oso-ithoJe vi elo egbrara* ruọ ẹkwotọ rai.+ 33  O kpe ire evaene gbe ifigi raiJẹ raha ire nọ e rrọ ẹkwotọ rai. 34  Ọ ta nọ ebaka-ẹkpẹ na a vẹruọ ae,Emọ ebaka-ẹkpẹ nọ i wo unu hu.+ 35  E re ẹbe kpobi nọ ọ jọ ẹkwotọ na,Jẹ re ekakọ nọ e jọ otọ na muotọ. 36  Kẹsena o te kpe ọmọ ọsosuọ kpobi evaọ ẹkwotọ rai,+Ọmọ nọ a ro mu eyẹ rai họ.* 37  Ọ rehọ ahwo riẹ no Ijipti ze avọ isiliva gbe igoru;+Yọ ohwo ọvo evaọ erua riẹ o zoruẹ hẹ. 38  Ijipti ọ ghọghọ nọ a nyavrẹ no,Keme idudu ahwo Izrẹl* e ro rai oma no.+ 39  Ọ rehọ ẹgho di ude rai re a siọ ae ba ẹruẹ+ Jẹ rehọ erae kẹ ae elo evaọ aso.+ 40  A ta nọ a gwọlọ erao, ọ tẹ kẹ ae ikueli;*+Ọ jẹ kẹ ae ebrẹdi no obọ odhiwu ze nọ i je te ae re.+ 41  O rovie utho, ame buobu o te kporo ze;+Ame na o te je su wọhọ ethẹ evaọ udhude na.+ 42  Keme ọ kareghẹhọ eyaa ọrẹri nọ ọ ya kẹ Abraham odibo riẹ.+ 43  Fikiere ọ tẹ rehọ ahwo riẹ ze avọ oghọghọ ulogbo,+Ọ rehọ enọ ọ salọ ze avọ ubo oghọghọ. 44  Ọ kẹ rai ẹkwotọ erẹwho buobu;+A rehọ eware nọ amọfa a ruẹ uye ru fihọ rọ reuku,+ 45  Re a ruẹsi koko ijaje riẹ+Je ru lele izi riẹ. Wha jiri Jah!*

Eme-Obotọ

Hayo “kporo ile.”
Hayo o sae jọ nọ, “ta kpahe.”
Hayo “Daoma jọ aro riẹ.”
Hayo “uyẹ.” Evaọ Hibru, “ubi.”
Evaọ Hibru, “Ẹme nọ ọ ta.”
Evaọ Hibru, “O wiri ọkpọ ebrẹdi kpobi.” O sae jọ nọ a be rehọ iẹe dhesẹ ekpọ nọ a jẹ hae rọ sẹro ebrẹdi.
Evaọ Hibru, “A rọ egbregba gboja kẹe.”
Evaọ Hibru, “Nifẹsh riẹ ọ ruọ eva eyọno.” Rri oria Otofa Eme.
Hayo “ru ei fo.” Ẹme Hibru na u dhesẹ epanọ a rẹ rọ erae ghra eware wọhọ igoru re a ru ei fo.
Evaọ Hibru, “ọ rẹ rọ gba.”
Evaọ Hibru, “epanọ u je nifẹsh riẹ.” Rri oria Otofa Eme.
Hayo “udu.”
Hayo “ebruerae.”
Hayo “Emuhọ ogaga eyẹ rai.”
Evaọ Hibru, “idudu rai.”
Ikueli yọ ọvra nọ ọ rrọ kpuke ziezi nọ a rẹ re.
Hayo “Aleluya!; Halelujah!” “Jah” yọ ubro odẹ na Jihova.