Ilezi 127:1-5
Ole Ẹgadiẹ-Kpehru. Orọ Solomọn.
127 Ajokpanọ Jihova ọ rẹ bọ uwou na,O gbẹ rrọ ere he, enọ e be bọe a rẹ ruẹ uye kufiẹ.+
Ajokpanọ Jihova o re rou* okpẹwho na,+O gbẹ rrọ ere he, enọ i bi rou rie a tẹ make siọ owezẹ ba dede, o rẹ whaha oware ovo ho.
2 Omolahiẹ gheghe o rrọ whọ tẹ make kpama evaọ irioke frifri,Whọ tẹ maki ru iruo ruọ aso,Hayo whọ tẹ maki bi ru iruo gaga re whọ ruẹ emu nọ whọ rẹ re,Keme ọ be kẹ enọ o you eware nọ a gwọlọ dede nọ ọ be kẹ ae uvẹ nọ a rẹ rọ wezẹ.+
3 Rri! Emezae* yọ ukuoriọ nọ u no obọ Jihova ze;+Ubi edhede na yọ osohwa.+
4 Wọhọ ese nọ e rrọ obọ ọgba,Ere emezae nọ ohwo o wo evaọ oke upelẹ riẹ e rrọ.+
5 Eva e were ọzae nọ ọ kwa rai vọ owha-ese riẹ.+
A ti ru oma vuọ ae he,Keme a ti lele ewegrẹ ta ẹme evaọ obọ unuẹthẹ okpẹwho na.
