Ilezi 45:1-17

  • Ehaa orọo ovie nọ a wholo na

    • Ọ be ta emamọ eme (2)

    • “Ọghẹnẹ họ agbara-uvie ra bẹdẹ bẹdẹ” (6)

    • Erru ọva na o bi si ovie na urru (11)

    • Emezae ra e te jọ isu evaọ otọakpọ na soso (16)

Ro se ọnọ o wuzou ile na; onọ a ruẹrẹ ekporo riẹ họ lele “Idodo Obọ Ẹwọ.” Orọ emezae Kora.+ Maskil.* Ole uyoyou. 45  Emamọ eme e be họrọ evaọ udu mẹ. Mẹ ta nọ: “Ole mẹ o ta kpahe* ovie jọ.”+ Jọ ẹrọo mẹ ọ jọ wọhọ ugbẹ*+ okere-obe nọ o wo onaa ziezi.+   Whẹ họ ọnọ ọ mai wo erru evaọ usu emezae ahwo-akpọ. Eme iwoma i bi hwẹ no unu ra ze.+ Oyejabọ nọ Ọghẹnẹ ọ rọ ghale owhẹ no na bẹdẹ bẹdẹ.+   Thọrọ* ọgbọdọ+ ra fihọ abefẹ ra, O ọgba na,+Whẹ ọghọ ra avọ orro ra họ.+   Fi kparobọ* evaọ oruaro ra;+Dhẹ evaọ uzẹme avọ omaurokpotọ gbe ẹrẹreokie,+Obọze ra u ti ru* eware nọ i re mu ọwhewhe.   Ese ra e rrọ piọpiọpiọ, i bi duwu ahwo kie fihọ aro ra;+I bi duwu idu ewegrẹ ovie na.+   Ọghẹnẹ họ agbara-uvie ra bẹdẹ bẹdẹ;+Ọkpọ-isuẹsu uvie ra yọ ọkpọ-isuẹsu ẹrẹreokie.*+   Who you ẹrẹreokie,+ who te mukpahe emuemu.+ Oyejabọ nọ Ọghẹnẹ, Ọghẹnẹ ra, ọ rọ rehọ ewhri oghọghọ+ wholo owhẹ+ vi egbẹnya ra.   A fi mọr avọ alọe gbe kasia họ iwu ra kpobi nọ e be jarai gbo emamọ ore;Ekpata-ifi nọ i bi do no ọgwa-ovie ologbo nọ a rehọ akọ-eni whẹ erru họ na ze, i bi ru owhẹ ghọghọ.   Emetẹ ivie e rrọ usu emetẹ ra nọ a bru ọghọ họ oma na. Aye ovie na o dikihẹ obọze ra no avọ igoru Ofaya+ nọ ọ rọ whẹ erru họ. 10  Kezọ, O ọmọtẹ, gaviezọ re who fi ezọ ra hotọ;Kpairoro vrẹ ahwo ra gbe uwou ọsẹ ra. 11  Yọ erru ra o ti si ovie na urru,Keme ọye họ olori ra,Fikiere guzou kpotọ kẹe. 12  Ọmọtẹ Taya ọ te wha okẹ ze;Ezae nọ e mai fe a te gwọlọ aruoriwo ra.* 13  Ọmọtẹ ovie na ọ vọ avọ oruaro evaọ ọgwa-ovie* na;A rehọ igoru whẹ erru họ* ewu riẹ. 14  A te rehọ iẹe se ovie na avọ iwu nọ a nabi zuo ziezi.* A rehọ egbẹnya riẹ nọ e rrọ emetẹ-kọkọ nọ i bi lele iei ziọ aro ra. 15  A te rehọ ae ze avọ oghọghọ gbe evawere;A te ruọ eva ọgwa-ovie na. 16  Emezae ra e te rehọ ẹta esẹ-esẹ ra. Whọ te rehọ ai mu re a jọ isu* evaọ otọakpọ na kpobi.+ 17  Me ti ru re a riẹ odẹ ra evaọ ige nọ e be tha kpobi.+ Oyejabọ nọ ahwo a ti ro jiri owhẹ bẹdẹ bẹdẹ.

Eme-Obotọ

Rri oria Otofa Eme.
Evaọ Hibru, “Iruo mẹ e ta kpahe.”
Hayo “ugbẹ-ame.”
Hayo “Gba.”
Hayo “Wo obokparọ.”
Evaọ Hibru, “wuhrẹ owhẹ.”
Hayo “uvioziẹ.”
Hayo “a ti ru ovao ra ghariẹ.”
Evaọ Hibru, “obeva.”
Evaọ Hibru, “tamu.”
Hayo o sae jọ nọ, “avọ iwu ithethei nọ a zuo eware onaa họ.”
Evaọ Hibru, “emezae-ivie.”