Ilezi 86:1-17
Olẹ Devidi.
86 Fi ezọ ra hotọ,* O Jihova, re who yo kẹ omẹ,Keme mẹ be reoja, mẹ tẹ jẹ rrọ oyogbe.+
2 Sẹro uzuazọ* mẹ, keme mẹ talamu owhẹ.*+
Siwi odibo ra nọ o fievahọ owhẹ,Keme whẹ họ Ọghẹnẹ mẹ.+
3 Rri omẹ aro, O Jihova,+Keme me bi bo se owhẹ ẹsikpobi.*+
4 Ru odibo ra* ghọghọ,Keme whẹ họ ọnọ me bo se,* O Jihova.
5 Keme who woma, O Jihova,+ yọ whọ ruẹrẹ oma kpahe re whọ rọvrẹ;+Whọ vọ avọ uyoyou nọ o rẹ hiẹ hẹ kẹ enọ i bi bo se owhẹ kpobi.+
6 O Jihova, gaviezọ kẹ olẹ mẹ;Kezọ kẹ ubo mẹ kẹ obufihọ.+
7 Me re bo se owhẹ evaọ oke idhọvẹ mẹ,+Keme who ti yo kẹ omẹ.+
8 Ọvuọvo ọ wọhọ owhẹ evaọ usu eghẹnẹ na ha, O Jihova,+Iruo evuevo nọ e wọhọ era e riẹ hẹ.+
9 Erẹwho nọ whọ ma na kpobiA te nyaze ti guzou kpotọ kẹ owhẹ, O Jihova,+Yọ a te kẹ odẹ ra orro.+
10 Keme whọ rrọ ruaro je bi ru eware igbunu;+Whẹ họ Ọghẹnẹ, whẹ ọvo.+
11 Wuhrẹ omẹ idhere ra, O Jihova.+
Mẹ te nya evaọ uzẹme ra.+
Ru re mẹ rehọ udu mẹ kpobi dhozọ odẹ ra.*+
12 Mẹ be rọ udu mẹ kpobi jiri owhẹ, O Jihova, Ọghẹnẹ mẹ,+Yọ mẹ te kẹ odẹ ra orro bẹdẹ bẹdẹ,
13 Keme uyoyou nọ o rẹ hiẹ hẹ nọ who wo kẹ omẹ o rrọ ruaro,Yọ who siwi uzuazọ* mẹ no edidi Uki.*+
14 O Ọghẹnẹ, ahwo omorro a be kpareso omẹ;+Utu ezae egeva e be gwọlọ uzuazọ mẹ kpe,*A wo adhẹẹ kẹ owhẹ hẹ.*+
15 Rekọ whẹ, O Jihova, whẹ yọ Ọghẹnẹ ohrọ-oriọ avọ ọdawẹ,*Ọnọ ọ rẹ kaki mu ofu hu yọ ọ vọ avọ uyoyou nọ o rẹ hiẹ hẹ gbe ọtẹruo.*+
16 Dhogbo bru omẹ ze re who fiobọhọ kẹ omẹ.+
Rehọ ẹgba ra kẹ odibo ra,+Re who siwi ọmọzae ọrigbo ọmọtẹ ra.
17 Kẹ omẹ oka* ewoma ra,Re enọ i mukpahe omẹ e ruẹse ruẹ e riẹ re oma o vuọ ae.
Keme whẹ họ ofiobọhọ mẹ gbe ọnọ ọ rẹ sasa omẹ oma, O Jihova.
