Ilezi 94:1-23
94 O Jihova, Ọghẹnẹ orukele,+O Ọghẹnẹ orukele, lo via!
2 Kparoma, O Obruoziẹ otọakpọ na.+
Hwosa kẹ ahwo omorro na wọhọ epanọ u fo kẹ ae.+
3 Ẹvẹ whọ rẹ kẹ irumuomu na uvẹ kri te, O Jihova,Ẹvẹ whọ rẹ kẹ irumuomu na uvẹ kri te re a gbẹ ghọghọ?+
4 A be ta ogbẹta avọ omoya;Ahwo oyoma na kpobi a bi seha ọvo.
5 A guọghọ ahwo ra no, O Jihova,+Je bi kienyẹ ukuoriọ ra.
6 A kpe aye-uku na avọ ọrara nọ ọ be rria ẹkwotọ na,Je kpe emọ nọ i wo esẹ hẹ.
7 A ta nọ: “Jah ọ be ruẹ hẹ;+Ọghẹnẹ Jekọp o bi muẹrohọ iẹe he.”+
8 Wha vuhu onana mu, whai enọ i wo iroro ho;Whai igheghẹ na, ẹdẹ vẹ wha ti tube wo ovuhumuo?+
9 Kọ Ọnọ ọ ma* ozọ na, ọ gbẹ sai yo ẹme?
Kọ Ọnọ o ru ubiẹro na, ọ gbẹ sae ruẹ ude?+
10 Kọ Ọnọ ọ be kpọ erẹwho na vi ọ gbẹ sae whọku ahwo?+
Ọye họ Ọnọ ọ rẹ kẹ ahwo eriariẹ!+
11 Jihova ọ riẹ iroro ahwo,Inọ ẹwẹ-okuo gheghe a rrọ.*+
12 Jọ eva e were ohwo nọ whọ kpọvi, O Jah,+Ọnọ whọ be rọ uzi ra wuhrẹ,+
13 Re who ru udu riẹ te otọ evaọ oke okpẹtu,Bẹsenọ a rẹ tọ ọgọdọ kẹ irumuomu.+
14 Keme Jihova ọ te nyasiọ ahwo riẹ ba ha,+Yọ o ti kiukeku ukuoriọ riẹ gbe he.+
15 Keme a te wariẹ bruoziẹ okiẹrẹe,Yọ ahwo kpobi nọ udu rai u kiete a ti ru lele iei.
16 Ono ọ te họre irumuomu na kẹ omẹ?
Ono o ti dikihẹ kẹ omẹ wọso ahwo oyoma na?
17 O gbẹ rrọ Jihova nọ o bi fiobọhọ kẹ omẹ hẹ,O hae raha oke re me* te whu hu.*+
18 Nọ mẹ ta nọ: “Otọ o be whra omẹ,”*
Uyoyou ra nọ o rẹ hiẹ hẹ, O Jihova, u te je fiobọhọ kẹ omẹ.+
19 Okenọ awaọruọ ọ da omẹ oma fia,*Whọ sasa omẹ oma je ru udu te omẹ otọ.*+
20 Kọ who re wobọ kugbe esuo omuomu*Yọ o be rehọ uzi* si uye se ahwo?+
21 A be rọ eva egaga họre* okiẹrẹe na*+Je bruoziẹ uwhu kpe ọnọ o ru oware ovo thọ họ.*+
22 Rekọ Jihova ọ te jọ oria adhẹzọ* nọ o foma kẹ omẹ,Ọghẹnẹ mẹ họ utho adhẹzọ mẹ.+
23 O ti ru iruẹru imuomu rai hwẹ ku ai uzou.+
Ọ te rehọ umuomu obọrai ro kpe ai.*
Jihova Ọghẹnẹ mai o ti kpe ai no.*+
Eme-Obotọ
^ Evaọ Hibru, “kọ.”
^ Hayo “e rrọ.”
^ Hayo “re mẹ tẹ fọ họ.”
^ Hayo “whra awọ mẹ.”
^ Hayo “iroro i dhomẹ ọvẹ; iroro e da omẹ udu fia.”
^ Hayo “agbara-uvie omuomu; isu imuomu; ibruoziẹ nọ e rẹ re udi.”
^ Hayo “ujaje; oziẹobro.”
^ Evaọ Hibru, “Jẹ ta nọ azẹ ọnọ o ru oware ovo thọ họ na ọ reabe (ọ rrọ muomu).”
^ Hayo “gboja kẹ.”
^ Hayo “oria ukpehru.”
^ Evaọ Hibru, “ruru unu rai.”
^ Evaọ Hibru, “ruru unu rai.”
