Ilezi 49:1-20

  • Ugheghẹ nọ o rrọ evaifihọ efe

    • Ohwo-akpọ ọvuọvo ọ rẹ sae ta ọrivẹ riẹ hẹ (7, 8)

    • Ọghẹnẹ ọ rẹ ta ohwo no Uki (15)

    • Efe ọ rẹ sai siwi ohwo no uwhu hu (16, 17)

Ro se ọnọ o wuzou ile na. Orọ emezae Kora.+ Ole. 49  Wha yo onana, whai ahwo kpobi. Wha gaviezọ, whai ahwo kpobi nọ a be rria akpọ na.*   Te esese te ilogbo,*Te edafe gbe iyogbe.   Mẹ te rọ unu mẹ ta eme areghẹ,Yọ eware nọ me bi roro didi kpahe evaọ udu mẹ+ i ti dhesẹ otoriẹ.   Mẹ te gaviezọ kẹ ohare;Mẹ te rọ akpata ru oze mẹ vẹ.   Fikieme ozọ u re ro mu omẹ evaọ oke ebẹbẹ,+Okenọ emuemu* enọ e be gwọlọ ekie mẹ o tẹ wariẹ omẹ họ?   Enọ i bi fievahọ efe rai+Gbe enọ e be rọ efe obuobu rai seha,+   Ọvuọvo rai ọ rẹ sae ta oniọvo vievie heHayo kẹ Ọghẹnẹ ẹtanigbo riẹ hẹ,+   (Osa ẹtanigbo rọkẹ uzuazọ* rai o rrọ ghaghae gagaFikiere a rẹ sae hwae vievie he);   Re ọ rria uzuazọ ebẹdẹ bẹdẹ nọ ọ gbẹ rọ ruọ ọgọdọ họ.*+ 10  Ọ ruẹ nọ makọ ahwo nọ a wo areghẹ dede a re whu;Te igheghẹ te enọ e kare iroro a re whu,+A vẹ nyasiọ efe rai ba kẹ amọfa.+ 11  A be jọ obọ eva rai ta nọ dodokọ iwou rai e rẹ jọ bẹdẹ bẹdẹ,Dodokọ iwou-udhu rai e rẹ jọ no oge ruọ oge. A rehọ edẹ rai se etọ* rai. 12  Rekọ ohwo-akpọ, dede nọ a bru ọghọ họ iẹe oma, ọ rẹ jọ ribri hi;+O woma vi erao obọ ẹwọ họ nọ i re whu.+ 13  Enẹ o rẹ jọ kẹ ahwo nọ a rrọ gheghẹ+Gbe enọ i bi lele ai, nọ eme ifofe rai e rẹ were. (Silah) 14  A be rehọ ai kpobọ Uki,* wọhọ igodẹ nọ a bi su nyai kpe. Uwhu u ti su ai wọhọ othuru-igodẹ;Ohwo nọ o kiete o ti su ai+ evaọ ohiohiẹ. A gbẹ te ruẹ e rai ofa ha;+Uki*+ o te jọ uwou rai+ viukpọ uwou-ovie. 15  Rekọ Ọghẹnẹ ọ te ta omẹ* no ogaga* Uki,*+Keme o ti kru omẹ. (Silah) 16  Jọ ozọ u mu owhẹ hẹ fikinọ ohwo jọ o fe no,Fikinọ ekwakwa uwou riẹ i vihọ, 17  Keme okenọ o ti whu, ọ rẹ sae rehọ oware ovuovo lele oma ha;+Orro riẹ na u ti lele iei kpobọ otọ họ.+ 18  Keme evaọ okenọ ọ jọ uzuazọ o je jiri omariẹ.*+ (Ahwo a re jiri owhẹ nọ eware i te bi woma kẹ owhẹ.)+ 19  Rekọ ukuhọ riẹ o ve ti kuomagbe oge esẹ-esẹ riẹ. A gbẹ te ruẹ elo ofa ha. 20  Ohwo-akpọ nọ o vuhu onana mu hu, dede nọ a bru ọghọ họ iẹe oma,+O woma vi erao obọ ẹwọ họ nọ i re whu.

Eme-Obotọ

Hayo “uyero-akpọ nana.”
Evaọ Hibru, “Te emọ ohwo-akpọ kpobi te emọ ohwo.”
Evaọ Hibru, “oruthọ.”
Evaọ Hibru, “nifẹsh.” Rri oria Otofa Eme.
Hayo “uki hi.”
Hayo “iwou.”
Hayo “Sheol.” Rri oria Otofa Eme.
Hayo “Sheol.” Rri oria Otofa Eme.
Evaọ Hibru, “nifẹsh mẹ.” Rri oria Otofa Eme.
Evaọ Hibru, “obọ.”
Hayo “Sheol.” Rri oria Otofa Eme.
Evaọ Hibru, “nifẹsh riẹ.” Rri oria Otofa Eme.