Ilezi 108:1-13
Ole. Olezi Devidi.
108 Udu mẹ o rrọ kothi, O Ọghẹnẹ.
Mẹ te so ile jẹ rọ oma mẹ kpobi* kporo ile.+
2 Kparoma, O akpata-ifi; te owhẹ re, O akpata.+
Mẹ te kpama nọ oke o tẹ nwane ke no.
3 Me ti jiri owhẹ evaọ udevie ahwo na, O Jihova,Mẹ te so ile jiri* owhẹ evaọ udevie erẹwho na.
4 Keme uyoyou ra nọ o rẹ hiẹ hẹ na o rrọ ruaro, u kpehru te idhiwu na,+Yọ ọtẹruo ra o kpehru te ihru na.
5 Jọ orro ra u kpehru vi idhiwu na, O Ọghẹnẹ;Jọ oruaro ra o vọ otọakpọ na soso.+
6 Re ahwo nọ who you a sai no uye,*Yo kẹ omẹ, re whọ rọ obọze ra siwi omai.+
7 Ọghẹnẹ ọrẹri na ọ ta no,* inọ:
“Mẹ te ghọghọ, me ti siobọno Shẹkẹm+ re a rehọ iẹe reuku,Yọ mẹ te ma Ukiekpotọ* Sọkọt fihọ akotọ.+
8 Giliad+ ọmẹ, wọhọ epanọ me wo Manasẹ na,Yọ Ifremu họ etu-ọgaga* rọkẹ uzou mẹ;+Juda họ ọkpọ osu mẹ.+
9 Moab họ odhe nọ mẹ rẹ rọ wozẹ abọ.+
Edọm me ti gbolo eviẹ mẹ fihọ.+
Me ti bo ubo oghọghọ fikinọ mẹ kparobọ vi Filistia no.”+
10 Ono ọ te rehọ omẹ kpohọ okpẹwho nọ a di ogba wariẹ họ* na?
Ono o ti su omẹ te obọ Edọm?+
11 Ogbẹrọnọ owhẹ, O Ọghẹnẹ, ọnọ ọ siọ omai no na,Ọghẹnẹ mai, ọnọ o gbe bi lele egbaẹmo mai kpohọ ẹmo ho na?+
12 Fiobọhọ kẹ omai evaọ uye mai,+Keme esiwo nọ o re no obọ ohwo-akpọ ze o re fioka ha.+
13 Ọghẹnẹ ọ te kẹ omai ogaga,+Yọ o ti thihi ewegrẹ mai nyaotọ.+
Eme-Obotọ
^ Evaọ Hibru, “makọ oruaro mẹ.”
^ Hayo “Me ti kporo ile kẹ.”
^ Hayo “Re a sai siwi enọ who you.”
^ Hayo o sae jọ nọ, “Ọghẹnẹ ọ ta no evaọ oria ọrẹri riẹ.”
^ Hayo “Ukiekpotọ Opraprara.”
^ Evaọ Hibru, “oria omofọwẹ.”
^ Hayo “o rẹ bẹ ẹvẹruọ.”
