Ilezi 79:1-13
Ole Esaf.+
79 O Ọghẹnẹ, erẹwho na a vẹruọ ukuoriọ ra no;+A zue etẹmpol ọrẹri ra no;+A zihe Jerusalẹm ruọ okpẹwho nọ a raha no.+
2 A rehọ iri idibo ra kẹ evra obọ ehru* no re a rehọ ae kuọ oma.Jẹ rehọ uwo-oma enọ i bi yoẹme kẹ owhẹ kẹ erao ijihẹ otọakpọ na no.+
3 A ku azẹ rai wọhọ ame fihọ Jerusalẹm soso,Yọ ohwo ọvo o kiọkọ nọ o re ki ai hi.+
4 Ma zihe ruọ enọ ahwo okegbe mai a be poviẹ no;+Enọ e wariẹ omai họ a bi se omai ẹkoko jẹ be rọ omai jijehwẹ.
5 Ẹvẹ who ti mu ofu kri te, O Jihova? Bẹdẹ bẹdẹ?+
Ẹvẹ evedha ra e te to wọhọ erae kri te?+
6 Ku ofu ra ku erẹwho nọ e riẹ owhẹ hẹ naGbe ekwotọ-ivie nọ i bi se odẹ ra ha na.+
7 Keme a re Jekọp noYọ a ru orẹwho riẹ fihọ ofofe no.+
8 Ivie, whọ rehọ omai guẹdhọ fiki iruthọ esẹ-esẹ mai hi.+
Dhesẹ ohrọ ra kẹ omai ovovẹrẹ,+Keme a hrẹ omai kpotọ gaga no.
9 Fiobọhọ kẹ omai, O Ọghẹnẹ esiwo mai,+Fiki odẹ ulogbo ra;Siwi omai re whọ jẹ rọ izieraha mai vrẹ omai* fiki odẹ ra.+
10 Fikieme erẹwho na a rẹ rọ ta nọ: “Ọghẹnẹ rai ọ rrọ?”+
Jọ erẹwho na a riẹ evaọ iraro mai naInọ a kioja azẹ idibo ra nọ a kpe na no.+
11 Ivie, yo imẹ-idio ọnọ a mu fihọ uwou-odi na.+
Rehọ ogaga* ulogbo ra sẹro uzuazọ* enọ a bruoziẹ uwhu kpe.*+
12 Ru ahwo okegbe mai kele isiahrẹ+Fiki ẹpoviẹ nọ a poviẹ owhẹ, O Jihova.+
13 Kẹsena mai ahwo ra gbe uthuru ra nọ whọ be ko,+Ma ve ti yere owhẹ bẹdẹ bẹdẹ;Ma ve ti jiri owhẹ no oge te oge.+
Eme-Obotọ
^ Hayo “idhiwu.”
^ Evaọ Hibru, “re who je ruru izieraha mai.”
^ Evaọ Hibru, “ugbobọ.”
^ Hayo o sae jọ nọ, “ru re a siobọno.”
^ Evaọ Hibru, “emezae uwhu.”
