Ilezi 11:1-7

  • Jihova yọ oria adhẹzọ nọ a rẹ dhẹ ro

    • “Jihova ọ rrọ etẹmpol ọrẹri riẹ” (4)

    • Ọghẹnẹ o mukpahe ohwo kpobi nọ ozighi ọ rẹ were (5)

Ro se ọnọ o wuzou ile na. Orọ Devidi. 11  Jihova họ oria adhẹzọ nọ mẹ dhẹ ro.+ Kọ fikieme whọ be rọ ta kẹ omẹ* nọ: “Dhẹ* kpobọ ugbehru ra wọhọ ọvra!  2  Rri epanọ irumuomu na a be vẹ uze na;A fi ose rai họ ufi-uze na no,Re a jọ ebi sa ahwo nọ udu rai u kiete.  3  Nọ a te kporo otọhotọ* na kuotọ no,Eme ikiẹrẹe na a rẹ sai ru?”  4  Jihova ọ rrọ etẹmpol ọrẹri riẹ.+ Agbara-uvie Jihova ọ rrọ obọ odhiwu.+ Ibiaro riẹ i bi rri, ibiaro riẹ i bi muẹrohọ,* be kiẹ emọ ahwo riwi.+  5  Jihova ọ be kiẹ ohwo okiẹrẹe na gbe ohwo omuomu na riwi;+O* mukpahe ohwo kpobi nọ ozighi ọ rẹ were.*+  6  O ti siobọno egbefẹ* fihọ ahwo omuomu na, wọhọ oso nọ ọ be rrọ;A ti ku erae avọ isọ-ọre+ gbe ofou ọrrorro ọgaga fihọ egho rai.  7  Keme Jihova o kiẹrẹe;+ iruẹru ikiẹrẹe e rẹ were iẹe.+ Enọ i kiete na a te ruẹ ovao riẹ.*+

Eme-Obotọ

^ Evaọ Hibru, “nifẹsh mẹ.” Rri oria Otofa Eme.
^ Hayo “Rra.”
^ Hayo “otọhotọ uvioziẹ.”
^ Hayo “i bi rri kiọkiọkiọ.”
^ Hayo “nọ o you ozighi.”
^ Evaọ Hibru, “Nifẹsh riẹ o.” Rri oria Otofa Eme.
^ Hayo o sae jọ nọ, “iwowo-erae.”
^ Hayo “ọ te jẹ ae rehọ.”

Copyrights for this publication