Ilezi 19:1-14
Ro se ọnọ o wuzou ile na. Ole Devidi.
19 Idhiwu na i bi whowho oruaro Ọghẹnẹ via;+Ihru* na i bi whowho iruo abọ riẹ.+
2 Kẹdẹ kẹdẹ eme rai i bi hwẹ ze,Kaso kaso i bi dhesẹ eriariẹ via.
3 A be ta ẹme ọvuọvo ho;A bi yo urru rai hi.
4 Rekọ edo rai o do ruọ* otọakpọ na soso no,Yọ ovuẹ rai u do te oka avọ oka otọakpọ* na no.+
Ọ rehọ uwou-udhu vi kẹ ọre na evaọ obọ idhiwu na;
5 Ọ wọhọ ọva nọ o bi no ubrukpẹ ọva ze;Ọ be wereva wọhọ ọgba nọ ọ be dhẹ ohrẹ.
6 Ọ rẹ va no oka idhiwu na jọ ze,O ve ghelie wariẹ te oka riẹ odekọ;+Yọ oware ovo nọ ẹrrorro riẹ o re mu hu o riẹ hẹ.
7 Uzi Jihova o rrọ gbagba,+ o rẹ wariẹ kẹ ohwo ẹgba.*+
Ekareghẹhọ Jihova yọ ẹme nọ a re fievahọ,+ u re ru ogbori* wo areghẹ.+
8 Ijaje nọ i no obọ Jihova ze i kiẹrẹe, i re ru udu na ghọghọ;+Izi Jihova e rrọ fuafo, i re rovie ohwo aro.*+
9 Ozodhẹ Jihova+ o rrọ fuafo, o rẹ jọ bẹdẹ bẹdẹ.
Iziẹibro Jihova yọ erọ uzẹme, aikpobi i kiẹrẹe.+
10 I woma* vi igoru,I woma vi emamọ igoru* buobu,+E mere vi ọnyọ,+ ọnyọ nọ o bi su no ithuzou-ọnyọ ze.
11 A rehọ e rai vẹvẹ odibo ra unu no;+Ekoko rai o rẹ wha osohwa ulogbo ze.+
12 Ono ọ rẹ sai vuhu ethobọ?+
Ivie, who kele izi nọ mẹ rọ ogbori raha kẹ omẹ hẹ.
13 Whaha odibo ra iruẹru omorro;+Whọ kuvẹ re e jọ ẹkẹ uruemu mẹ hẹ.+
Kẹsena mẹ vẹ te gbakiete,+Me gbe keke aro fihọ raha uzi hi.*
14 Jọ ẹmeunu mẹ gbe eware nọ me bi roro didi kpahe evaọ udu mẹE jọ enọ e rẹ were owhẹ,+ O Jihova, Utho mẹ+ gbe Osiwi mẹ.*+
Eme-Obotọ
^ Hayo “Idadeghe.”
^ Hayo o sae jọ nọ, “ufi rai nọ a rẹ rọ ma oware u te.”
^ Hayo “otọ.”
^ Hayo “u re zihe uzuazọ ze.”
^ Hayo “ohwo nọ ọ riẹ oware tere he.”
^ Hayo “i re ru ibiaro na lo.”
^ Hayo “E ghare.”
^ Hayo “igoru nọ a ru fo no.”
^ Hayo “Mẹ gbẹ raha izi buobu hu.”
^ Hayo “Ọnọ ọ ta omẹ.”
