Ilezi 96:1-13
96 Wha so ole ọkpokpọ kẹ Jihova.+
Wha so ile kẹ Jihova, whai ahwo otọakpọ na kpobi!+
2 Wha so ile kẹ Jihova; wha jiri odẹ riẹ.
Wha whowho emamọ usi esiwo riẹ kẹdẹ kẹdẹ.+
3 Whowho oruaro riẹ evaọ udevie erẹwho na,Iruo igbunu riẹ evaọ udevie ahwo na kpobi.+
4 Jihova ọ rrọ ruaro, yọ ọye ọ mai fo ejiro.
O re mu ọwhewhe vi eghẹnẹ efa kpobi.
5 Eghẹnẹ ahwo na kpobi yọ eghẹnẹ nọ i fioka ha,+Rekọ Jihova họ ọnọ ọ ma idhiwu na.+
6 Oruaro* avọ erru e rrọ aro riẹ;+Ẹgba avọ erru e rrọ oria aruẹri riẹ.+
7 Wha kẹ Jihova oware nọ u fo rie, whai iviuwou ahwo,Wha kẹ Jihova oware nọ u fo rie fiki oruaro gbe ẹgba riẹ.+
8 Wha kẹ Jihova oruaro nọ u fo odẹ riẹ;+Wha rehọ okẹ re wha ziọ ighẹ riẹ.
9 Wha guzou kpotọ kẹ* Jihova avọ ẹgọ ọrẹri nọ wha whẹhọ;*Wha nuhu evaọ aro riẹ, whai ahwo otọakpọ na kpobi!
10 Wha jọ udevie erẹwho na whowho nọ: “Jihova o zihe ruọ Ovie no!+
Ọ rehọ otọakpọ* na vi kothi, a rẹ sai goi no ẹta ha.*
O ti bru uvioziẹ kẹ ahwo na.”*+
11 Jọ idhiwu na e ghọghọ, jọ otọakpọ na o ghọghọ re;Jọ abade na avọ eware kpobi nọ e rrọ eva riẹ i ru edo egbrara;+
12 Jọ idhu na avọ eware kpobi nọ e rrọ eva rai e ghọghọ.+
Evaọ oke ovona, jọ ire kpobi nọ e rrọ owhawho na i bo ubo oghọghọ+
13 Evaọ aro Jihova, keme ọ be nyaze,*Ọ be nyaze ti bruoziẹ otọakpọ na.
Ọ te rọ ẹrẹreokie bruoziẹ ahwo nọ a rrọ otọakpọ* na+Jẹ rọ ọtẹruo riẹ bruoziẹ ahwo na.+
Eme-Obotọ
^ Hayo “Adhẹẹ.”
^ Hayo o sae jọ nọ, “fiki epanọ ọ fo te.”
^ Hayo “Wha gọ.”
^ Hayo “otọ.”
^ Hayo “ru ei jọ deghe deghe he.”
^ Hayo “Ọ te thothọ ahwo na.”
^ Hayo “ọ nyaze no.”
^ Hayo “otọ.”
