Ilezi 58:1-11
-
Ọghẹnẹ jọ ọ riẹ nọ o re bruoziẹ otọakpọ na
-
Olẹ re a kẹ irumuomu na uye (6-8)
-
Ro se ọnọ o wuzou ile na; orọ ekporo “Whọ Rehọ Kpohọ Ọraha Ha.” Orọ Devidi. Miktam.*
58 Kọ wha sae ta kpahe ẹrẹreokie yọ wha fibo?+
Kọ wha sai bruoziẹ nọ o kiete, whai emọ ahwo?+
2 Ukpoye kọ omaa umuomu wha be jọ udu rai ma,+Yọ wha be rọ abọ rai ru ozighi evaọ otọ na.+
3 Ahwo omuomu a nyathọ* no eva ze;*A rrọ yoyoma, eterue no okenọ a ro yẹ ai ze.
4 Obi rai ọ wọhọ obi eraomuomu;+A diezọ wọhọ obi nọ ọ tehe ezọ riẹ di.
5 Ọnọ ọ rẹ gaviezọ kẹ urru enọ e rẹ kpọ eraomuomu hu,Ghelọ epanọ ẹbo rai ọ rẹ sẹ te kẹhẹ.
6 O Ọghẹnẹ, kpare akọ no unu rai!
Kpare agbotọ ikpohrokpo* nana, O Jihova!
7 Jọ a rayẹ no wọhọ ame nọ o su vrẹ.
Jọ Ọghẹnẹ ọ vẹ uze riẹ re ọ rehọ ese riẹ kpe ai no.
8 Jọ a jọ wọhọ usekpe nọ u bi si vrẹ yọ o be ya;*Wọhọ ọmọ nọ aye o yẹ thọwa nọ ọ ruẹ ọre vievie he.
9 Taure erri erae ure-inwe na u te ti mu iwho nọ who ro there,O ti hwere egha ire ekpokpọ gbe enọ e be to na kpobi kufiẹ, wọhọ epanọ ofou ọwhibo o re ru na.+
10 Okiẹrẹe na ọ te ghọghọ keme ọ ruẹ orukele+ na no;Awọ riẹ ọ te jọ ehru azẹ irumuomu na zue.+
11 Kẹsena ahwo a vẹ te ta nọ: “Evaọ uzẹme osohwa o rrọ rọkẹ ohwo okiẹrẹe.+
Ọghẹnẹ jọ ọ ginẹ riẹ nọ o bi bruoziẹ evaọ otọakpọ na.”+
Eme-Obotọ
^ Evaọ Hibru, “no obọ edhede ze.”
^ Hayo “gbeku.”
^ Hayo “ikpohrokpo egaga nọ e rrọ whẹvu.”
^ Evaọ Hibru, “o be ghra kufiẹ.”
