Ilezi 41:1-13
Ro se ọnọ o wuzou ile na. Ole Devidi.
41 Jọ eva e were ohwo kpobi nọ o re fiobọhọ kẹ oruori;+Jihova o ti siwi ei evaọ ẹdẹ okpẹtu.
2 Jihova ọ te thọe jẹ sẹro uzuazọ riẹ.
A ti sei ọnọ o wo evawere evaọ otọakpọ na;+Who ti siobọnoi kẹ ewegrẹ riẹ vievie he re oware nọ a gwọlọ na o via.+
3 Jihova ọ te rẹrotei evaọ ehwa ẹyao riẹ;+Nọ ọ tẹ be mọ, who ti nwene ehwa riẹ riẹriẹriẹ.
4 Keme mẹ ta nọ: “O Jihova, rri omẹ aro.+
Siwi omẹ,*+ keme mẹ thọ uzi ra.”+
5 Rekọ ewegrẹ mẹ a be ta oware uyoma kpahe omẹ inọ:
“Ẹdẹ vẹ o ti whu re a siọ odẹ riẹ ba eyo?”
6 Nọ ọjọ evaọ usu rai ọ tẹ nyaze te ruẹ omẹ, ọ rẹ ta eme eviẹhọ nọ e rrọ udu riẹ.
O re koko eware iyoma họ nọ ọ rẹ ta;Kẹsena ọ vẹ nyavrẹ nyae vravra ai fihọ oria kpobi.
7 Enọ i mukpahe omẹ kpobi a be lẹlẹ ta ẹme kẹ ohwohwo;A be gba ẹgwae omuomu kpahe omẹ, inọ:
8 “Oware imuozọ o via kẹe no;Nọ ọ rrọ otọ no na, ọ te gbẹ kpama ofa ha.”+
9 Makọ ohwo nọ mẹ avọ iẹe ma be rria kugbe dhedhẹ, ọnọ me fievahọ,+Ọnọ ọ jẹ re ebrẹdi mẹ, ọ kpare ethihrowọ riẹ ro thihi omẹ no.*+
10 Rekọ, O Jihova, rri omẹ aro jẹ kpare omẹ kpehru,Re mẹ sae hwosa zihe kẹ ae.
11 Onana mẹ te rọ riẹ nọ eva mẹ e be were owhẹ:
Nọ ọwegrẹ mẹ ọ gbẹ sai bo ubo obokparọ fiki mẹ hẹ.+
12 Rekọ mẹ riẹ nọ whọ rrọ abọ mẹ fiki ẹgbakiete mẹ;+Who ti fi omẹ họ aro ra bẹdẹ bẹdẹ.+
13 Jọ a jiri Jihova, Ọghẹnẹ IzrẹlBẹdẹ bẹdẹ.*+
Ami, Ami.
