Ilezi 91:1-16
91 Ohwo kpobi nọ ọ be rria oria idhere Ọnọ Ọ Mai Kpehru na+Ọ te jọ otọ uwoho Erumeru na.+
2 Mẹ te ta kẹ Jihova nọ: “Whẹ họ oria adhẹzọ mẹ gbe oria omofọwẹ mẹ,+Ọghẹnẹ mẹ nọ me fievahọ.”+
3 Keme ọ te thọ owhẹ no ẹta omuemevra,Rono okpẹyao nọ o re vo nọ o re kpe gaga na.
4 Ọ te rọ ileli riẹ ruru owhẹ,*Yọ otọ ibekpe riẹ whọ te dhẹ ro re whọ zọ.+
Ọtẹruo riẹ+ o te jọ ojese+ ulogbo gbe ugbẹhẹ* nọ o rẹ thọ owhẹ.
5 Whọ te dhozọ eware idudu aso ho,+Hayo ose nọ o rẹ rra evaọ uvo ho,+
6 Hayo okpẹyao nọ o re vo nọ ọ rẹ jọ evaọ ebi ọlala ha,Hayo ọraha nọ ọ rẹ jọ evaọ ọre-tuzou.
7 Ahwo odu (1,000) a ti kie fihọ abotọ raYọ idu ikpe (10,000) i ti kie fihọ obọze ra,Rekọ oware utioye u ti fou kẹle owhẹ hẹ.+
8 Ibiaro ra ọvo whọ te rọ ruẹ e riẹNọ whọ te rọ ẹro ruẹ uye* nọ u ti te irumuomu na.
9 Keme whọ ta nọ: “Jihova họ oria adhẹzọ mẹ,”
Who ru Ọnọ Ọ Mai Kpehru na fihọ oria nọ whọ be rria no;*+
10 Okpẹtu ọvuọvo o ti te owhẹ hẹ,+Yọ uye ovuovo u ti fou kẹle uwou-udhu ra ha.
11 Keme o ti jie uzi kẹ ikọ-odhiwu+ riẹ fiki ra,Re a thọ* owhẹ evaọ idhere ra kpobi.+
12 A te rehọ abọ rai wọ owhẹ,+Re whọ siọ owọ ra ba ekpehọ utho.+
13 Who ti thihi okpohrokpo ọgaga gbe obi;Whọ te rọ evawọ ra thihi okpohrokpo nọ ọ rrọ whẹvu avọ araomuomu ologbo na.+
14 Ọghẹnẹ ọ ta nọ: “Fikinọ o you omẹ,* me ti siwi ei.+
Mẹ te thọe keme ọ riẹ* odẹ mẹ.+
15 O ti bo se omẹ, yọ me ti yo kẹe.+
Mẹ te jọ kugbei evaọ oke uye.+
Me ti siwi ei jẹ duọ orro họ iẹe oma.
16 Mẹ te kẹe uzuazọ uthethei,+Yọ me ti ru re ọ ruẹ iruẹru esiwo mẹ.”*+
Eme-Obotọ
^ Hayo “gbere owhẹ re oware ovo u gbe te owhẹ hẹ.”
^ Hayo “ugbẹhẹ ulogbo.”
^ Evaọ Hibru, “osohwa.”
^ Hayo o sae jọ nọ, “oria adhẹzọ ra no.”
^ Hayo “rou.”
^ Evaọ Hibru, “o kuomagbe omẹ.”
^ Hayo “o vuhu.”
^ Hayo “ruẹ esiwo nọ o ti no obọ mẹ ze.”
