Ilezi 73:1-28
Ole Esaf.+
73 Ọghẹnẹ ọ ginẹ rrọ wowoma kẹ Izrẹl, rọkẹ enọ udu rai o rrọ fuafo.+
2 Rọkẹ omẹ, awọ mẹ ọ joma nyathọ no vẹre;Ithihi mẹ e joma whra no.+
3 Keme mẹ jẹ re ahwo omorro* ihriOkenọ mẹ jẹ ruẹ udhedhẹ nọ ahwo omuomu na a wo.+
4 Keme a re wo edada evuevo evaọ oke uwhu rai hi;Oma rai o rrọ sasasa.*+
5 Oware ovo u bi kpokpo ai wọhọ amọfa ha,+Yọ a be ruẹ uye wọhọ amọfa gbe he.+
6 Fikiere, omorro họ ufiare ohọe rai;+A ku ozighi họ oma wọhọ ewu.
7 Akpọriọ ọ* lẹliẹ aro rai fu fihọ;Eware i woma kẹ ae vi epanọ a jọ udu rai roro.
8 A be ya-oma jẹ be ta eme iyoma.+
A bi seha kẹ ahwo avọ omorro.+
9 A rẹ ta ẹme wọhọ ẹsenọ a kpehru te odhiwu,Yọ a be rọ ẹrọo rai mu eme ta evaọ otọakpọ na.
10 Fikiere ahwo riẹ a te kuomagbe ai,A tẹ jọ ame obuobu rai da.*
11 A ta nọ: “Ẹvẹ Ọghẹnẹ ọ rẹ rọ riẹ?+
Kọ Ọnọ Ọ Mai Kpehru na ọ ginẹ riẹ eware nana?”
12 Ahwo nana họ ahwo omuomu nọ eware e rrọ lọlọhọ kẹ ẹsikpobi na.+
Efe rai o bi bu vrẹ ọvo.+
13 Evaọ uzẹme, me wo erere ọvuọvo ho nọ me ro ru udu mẹ fuafoJẹ wozẹ abọ mẹ fo.+
14 Yọ ẹsikpobi* o jẹ kẹ omẹ uye;+Kohiohiẹ kohiohiẹ a jẹ whọku omẹ.+
15 Rekọ o hae jọ nọ mẹ ta eme nana via,Mẹ hae viẹ ahwo ra họ.*
16 Nọ mẹ jẹ daoma wo otoriẹ riẹ,O tẹ jẹ kẹ omẹ uye
17 Bẹsenọ mẹ rọ ruọ oria aruẹri ologbo Ọghẹnẹ,Kẹsena mẹ tẹ riẹ epanọ obaro rai o te jọ.
18 Evaọ uzẹme, otọ nọ o be whra who fi rai họ.+
Who ru rai kie whu.+
19 Rri epanọ ọraha rai ọ nyaze idudhe!+
Rri oghẹrẹ nọ a ro ku uzuazọ rai họ idudhe, ekuhọ rai o yoma kẹhẹ!
20 Wọhọ ewezẹ nọ ohwo ọ rọwo no ze, O Jihova,Nọ whọ tẹ kparoma, who ti se ai gboware ovo ho.*
21 Rekọ eva mẹ e tẹ ke no,*+Yọ evaọ obeva,* me wo edada gaga.
22 Mẹ jọ ohwo nọ ọ kare iroro, yọ me wo otoriẹ ovuovo ho;Mẹ jọ wọhọ arao nọ o wo areghẹ hẹ evaọ aro ra.
23 Rekọ obọnana mẹ rrọ kugbe owhẹ ẹsikpobi;Who kru obọze mẹ no.+
24 Whọ be rọ ohrẹ ra su omẹ,+Kẹsena who ve ti su omẹ kpohọ oruaro.+
25 Ono ọfa me wo evaọ obọ idhiwu na?
Yọ u te no owhẹ no, mẹ gwọlọ oware ofa ha evaọ otọakpọ na.+
26 Udu mẹ gbe ugboma mẹ e sae siọ iruo ba,Rekọ Ọghẹnẹ họ ọnọ o bi ru udu mẹ ga,* ọye họ ẹkẹ mẹ bẹdẹ bẹdẹ.+
27 Evaọ uzẹme, enọ e be kẹnoma kẹ owhẹ a ti whu.
Whọ te raha* ohwo kpobi nọ ọ be nyasiọ owhẹ ba.*+
28 Rekọ rọkẹ omẹ, Ọghẹnẹ nọ me re si kẹle u woma kẹ omẹ.+
Mẹ rehọ Jihova Olori nọ Ọ Mai Kpehru na fihọ oria adhẹzọ mẹ no,Re me whowho iruo ra kpobi.+
Eme-Obotọ
^ Hayo “omoya.”
^ Hayo “A wo ẹbueva.”
^ Evaọ Hibru, “Iwhri rai e.”
^ O wọhọ nọ ahwo Ọghẹnẹ a wẹriẹ nyae da eware nọ ahwo omuomu na a rọ ze.
^ Hayo “evaọ okpẹdoke na soso.”
^ Hayo “Mẹ hai fi ahwo ra họ uye.” Evaọ Hibru, “Mẹ hae viẹ oge emezae ra họ.”
^ Evaọ Hibru, “uwoho rai u ti tu owhẹ oma.”
^ Hayo “udu mẹ o tẹ ke no.”
^ Evaọ Hibru, “evaọ ibieku mẹ.”
^ Evaọ Hibru, “utho udu mẹ.”
^ Evaọ Hibru, “fare unu.”
^ Hayo “nọ o bi gbe-ọfariẹ siọ owhẹ ba.”
