Ilezi 31:1-24
Ro se ọnọ o wuzou ile na. Ole Devidi.
31 O Jihova, whẹ họ ọnọ mẹ dhẹ bru re mẹ zọ.+
Ivie, who ru oma vuọ omẹ hẹ.+
Siwi omẹ fiki ẹrẹreokie ra.+
2 Fi ezọ ra hotọ* kẹ omẹ.
Nyaze ti siwi omẹ vẹrẹ vẹrẹ.+
Zihe ruọ ugbehru adhẹzọ kẹ omẹ,Oria nọ a di ogba wariẹ họ* nọ mẹ rẹ sae jọ zọ.+
3 Keme whẹ họ ugbehru-utho mẹ gbe oria omofọwẹ mẹ;+Fiki odẹ ra,+ who ti su omẹ jẹ kpọ omẹ.+
4 Who ti si omẹ no ẹriri nọ a rọ lẹlẹ kpahe ẹta kẹ omẹ,+Keme whẹ họ oria adhẹzọ mẹ.+
5 Me mu ẹzi mẹ họ owhẹ obọ.+
Who siwi omẹ no, O Jihova, Ọghẹnẹ nọ ọ rẹ ta uzẹme.*+
6 Me mukpahe ahwo nọ a romakẹ emedhọ ifofe nọ i fioka ha,Rekọ Jihova mẹ omamẹ me fievahọ.
7 Mẹ te ghọghọ gaga fiki uyoyou ra nọ o rẹ hiẹ hẹ na,Keme whọ ruẹ oja-oriọ mẹ no;+Whọ riẹ idhọvẹ egaga mẹ.*
8 Who siobọno omẹ kẹ ọwegrẹ na ha,Rekọ whọ rehọ omẹ dikihẹ oria omofọwẹ.*
9 Rri omẹ aro, O Jihova, keme mẹ rrọ uye.
Ẹrova mẹ u ru nọ mẹ gbẹ be rọ ruẹ ude ziezi hi,+ yọ o whọlọ omẹ oma* kpobi no.+
10 Uweri o da omẹ oma fia+Ikpe uzuazọ mẹ e tẹ jẹ vọ avọ imẹ-idio.+
Ẹgba mẹ o bi re no fiki oruthọ mẹ;Igbenwa mẹ e lọhọ no.+
11 Ewegrẹ mẹ kpobi a be rọ omẹ jijehwẹ,+Maero kọ ahwo okegbe mẹ.
Egbẹrioma mẹ a be ruẹ omẹ dhẹ;A tẹ ruẹ omẹ evaọ oko-ore, a vẹ dhẹ.+
12 A kpairoro vrẹ omẹ no,* mẹ thọrọ e rai ẹro no wọhọ ẹsenọ me whu no;Mẹ wọhọ omothẹ nọ o whu no.
13 Me yo eme atanọ iyoma buobu no;Eware idudu e wariẹ omẹ họ.+
Nọ a te kuomagbe wọhọ omọvo be wọ bru omẹ ze,A rẹ gba ẹgwae epanọ a rẹ rọ rehọ uzuazọ* mẹ.+
14 Rekọ me fievahọ owhẹ, O Jihova.+
Mẹ ta nọ: “Whẹ họ Ọghẹnẹ mẹ.”+
15 Edẹ* uzuazọ mẹ e rrọ owhẹ obọ.
Siwi omẹ no obọ ewegrẹ mẹ gbe obọ enọ i bi kpokpo omẹ.+
16 Ru ovao ra lo fihọ odibo ra.+
Rọ uyoyou ra nọ o rẹ hiẹ hẹ siwi omẹ.
17 O Jihova, who ru oma vuọ omẹ hẹ nọ me te bo se owhẹ.+
Jọ oma o vuọ ahwo omuomu na;+Jọ a kpobọ Uki* re a gbe yo unu rai hi.+
18 Jọ igbenu nọ e be ta erue i di,+Igbenu nọ e be ta eme omoya kpahe ahwo okiẹrẹe na, avọ omorro gbe orivo.
19 Ewoma ra ọ rro kẹhẹ!+
Whọ ruẹrẹ e riẹ kpahe kẹ enọ e be dhozọ ra,+Yọ whọ jọ iraro ahwo-akpọ kpobi dhesẹ iẹe kẹ enọ e dhẹ bru owhẹ ze re a zọ.+
20 Whọ te ko ai dhere oria nọ u siomano evaọ aro ra+Rono omaa uyoma ahwo;Who ti si ai no họ uwou raRono ahwo oyoma nọ a be wọso ae.*+
21 Jọ ujiro u te Jihova,Keme o dhesẹ uyoyou riẹ nọ o rẹ hiẹ hẹ kẹ omẹ evaọ edhere igbunu,+ evaọ okpẹwho nọ a ko họ.+
22 Rọkẹ omẹ, iguegue e ruọ omẹ oma, mẹ tẹ ta nọ:
“Me ti whu no aro ra.”+
Rekọ who yo olẹ mẹ kẹ obufihọ okenọ me bo se owhẹ.+
23 Wha you Jihova, whai ahwo kpobi nọ a talamu ei!+
Jihova ọ rẹ thọ enọ i bi yoẹme,+Rekọ ọ rẹ rọ uye ulogbo hwosa kẹ enọ i bi dhesẹ omorro.+
24 Wha wo udu, wha kru udu rai ga,+Whai ahwo kpobi nọ a be hẹrẹ Jihova.+
