Ilezi 75:1-10
-
Ọghẹnẹ o re bru uvioziẹ
-
Irumuomu a te da enwaene egho Jihova (8)
-
Ro se ọnọ o wuzou ile na. Orọ ekporo “Whọ Rehọ Kpohọ Ọraha Ha.” Orọ Esaf.+ Ole.
75 Ma yere owhẹ, O Ọghẹnẹ, ma yere owhẹ;Odẹ ra o kẹle omai,+Yọ ahwo a bi whowho iruo igbunu ra.
2 Whọ ta nọ: “Me te fi oke họ no,Me re bru uvioziẹ.
3 Okenọ otọakpọ na avọ enọ e be rriae a nuhu,*Mẹ họ ọnọ o ru nọ ipila riẹ i gbe ro dikihẹ kothi.” (Silah)
4 Mẹ ta kẹ enọ i bi seha nọ, “Wha seha ha,”
Jẹ ta kẹ ahwo omuomu nọ, “Wha rọ ẹgba rai ya-oma ha.*
5 Wha rọ ẹgba rai ya-oma ha*Hayo rọ omorro ta ẹme he.
6 Keme ẹkpare kpehru o re no obọ ovatha-ọre hayo ukiediwo-ọre ze heYọ o re no obọze ovatha-ọre ze he.
7 Keme Ọghẹnẹ họ Obruoziẹ.+
O re hrẹ ohwo jọ kpotọ ọ vẹ kpare ọfa kpehru.+
8 Keme egho jọ ọ rrọ obọ Jihova;+Enwaene na ọ be gbivuhu yọ a nabe guae ziezi.
O ti ku ei lahwe,Yọ ahwo omuomu kpobi nọ a rrọ otọakpọ na a te dae bẹsenọ a rẹ dae muotọ.”+
9 Rekọ rọkẹ omẹ, me ti whowho iei bẹdẹ bẹdẹ;Mẹ te so ile jiri* Ọghẹnẹ Jekọp.
10 Keme ọ ta nọ: “Me ti mi irumuomu na ẹgba rai kpobi,*Rekọ mẹ te kẹ ikiẹrẹe na ẹgba.”*
Eme-Obotọ
^ Hayo “ghra.”
^ Evaọ Hibru, “Wha kpare uzei rai kpehru hu.”
^ Evaọ Hibru, “Wha kpare uzei rai kpehru hu.”
^ Hayo “Me ti kporo ile kẹ.”
^ Evaọ Hibru, “Me ti bru izei irumuomu na kpobi.”
^ Evaọ Hibru, “mẹ te kpare izei ikiẹrẹe na kpehru.”
