Ilezi 95:1-11
95 Wha nyaze re ma bo ubo oghọghọ kẹ Jihova!
Joma bo ubo obokparọ kẹ Utho esiwo mai.+
2 Wha joma nyaze aro* riẹ avọ uyere-okẹ;+Joma so ole je bo ubo obokparọ kẹe.
3 Keme Jihova yọ Ọghẹnẹ ologbo,Ovie ologbo nọ ọ rro vi eghẹnẹ efa kpobi.+
4 Edidi otọakpọ na ọ rrọ obọ riẹ;Ọye o wo igbehru ikpekpehru na.+
5 Abade nọ ọ ma na, ọye o wo rie,+Yọ ọye ọ rehọ abọ riẹ ma otọ oyaya na.+
6 Wha nyaze re ma gọe je guzou kpotọ kẹe;Joma kigwẹ fihọ aro Jihova, Ọnọ ọ ma omai na.+
7 Keme ọye họ Ọghẹnẹ maiYọ mai họ ahwo nọ ọ be ko,Igodẹ nọ ọ be rẹrote.*+
Nẹnẹ, otẹrọnọ wha gaviezọ kẹ urru riẹ,+
8 Wha ru udu rai gaga ha wọhọ epanọ a ru evaọ Mẹriba,*+Wọhọ epanọ a ru ẹdẹ yena evaọ Masah* evaọ obọ udhude na,+
9 Okenọ esẹ-esẹ rai a dawo omẹ;+A se omẹ abọ, dede nọ a ruẹ iruo mẹ.+
10 Ikpe udhuvẹ oge yena ọ jẹ tọtọ omẹ oma, mẹ tẹ ta nọ:
“Ahwo nana yọ ahwo nọ a be hae nyathọ ẹsikpobi evaọ udu rai;A re riẹ idhere mẹ hẹ.”
11 Fikiere me te duwu iyei fiki eva nọ e dha omẹ, inọ:
“A te ruọ eva eriosehọ mẹ hẹ.”+
