Ilezi 104:1-35
104 Jọ me* jiri Jihova.+
O Jihova Ọghẹnẹ mẹ, whọ rrọ ruaro gaga.+
Whọ rehọ oruaro* avọ urirẹ gọ ẹgọ.+
2 Whọ rehọ elo gọ ẹgọ+ wọhọ ewu;*Whọ rriẹ idhiwu na fihọ wọhọ ohọ uwou-udhu.+
3 Ọ rehọ ire ibriwou obehru riẹ vi ehru ame obuobu obehru na,*+Ọ rehọ ẹgho na ru akẹkẹ riẹ,+Ofou na họ ibekpe riẹ nọ o bi ro no oria ruọ oria.+
4 Ọ ma ikọ-odhiwu riẹ izi,Egbodibo riẹ kọ ebruerae.+
5 Ọ rehọ otọakpọ na vi otọhotọ riẹ no kothi;+A ti goi no ẹta riẹ hẹ* bẹdẹ bẹdẹ.+
6 Whọ rehọ ame obuobu ruru iei wọhọ ohọ.*+
Ame obuobu na o ruru igbehru na.
7 Ọwhọkuo ra ọ lẹliẹ ame na dhẹ vrẹ;+Edo egbrara ra ọ lẹliẹ e rai dhẹ vrẹ ozozọ
8 Igbehru e tẹ va ze,+ ikiekpotọ e tẹ romaviaEvaọ oria nọ whọ ruẹrẹhọ kẹ ae.
9 Who fi uwhru họ nọ a rẹ nyavrẹ hẹ,+Re a gbẹ wariẹ ruru otọakpọ na soso vievie he.
10 Who vi iyeri-ame ziọ ikiekpotọ* na;Nọ i bi su evaọ udevie igbehru na.
11 E be kẹ erao obọ ẹwọ na kpobi ame da;Eketekete ẹwọ na e be jarai da ame nọ uruame u te kpe ai.
12 Evra obọ ehru na e be bọ iwou fihọ ehru rai;A be so ile evaọ itẹwọ na.
13 Who bi ku ame ku igbehru na no obọ ibriwou obọ ehru ra ze.+
Iruo abọ ra i bi ru otọakpọ na wo eware kpobi.+
14 Who bi ru ẹbe dhẹ ze kẹ iruẹ naJẹ be kẹ ahwo-akpọ ẹbe nọ a gwọlọ,+Re a sai wo emu no ekakọ otọ na ze
15 Gbe enwaene nọ o re ru udu ohwo-akpọ ghọghọ,+Udẹ* nọ u re ru ovao riẹ lo,Gbe ebrẹdi nọ ohwo-akpọ ọ rẹ re re ọ sae jọ uzuazọ.+
16 Ire Jihova e be ruẹ ame da ziezi,Ire sida Lebanọn nọ whọ kọ,
17 Enọ evra na e bọ iwou rai fihọ.
Uwou ọvra nọ a re se ogbodu+ o rrọ ire junipa na.
18 Igbehru ikpekpehru na e rrọ kẹ ewe igbehru na;+Igbehru-itho na yọ eria adhẹzọ kẹ ebaja nọ e rẹ rria eghogho-utho.+
19 Who ru ọvẹre na re o jọ oka nọ a re ro vuhu oke sa-sa;*Ọre na ọ riẹ oke nọ o re ro kiediwi na ziezi.+
20 Whọ tẹ rehọ ebi ze, aso ọ vẹ ze,+Okenọ erao ẹwọ kpobi nọ e rrọ owhawho na a rẹ rọ nya kpenẹ avọ enẹ.
21 Ikpohrokpo egaga* na i re do enu gwọlọ erao nọ e rẹ re+Jẹ gwọlọ emu rai mi Ọghẹnẹ.+
22 Nọ ọre ọ tẹ va ze,A ve zihe kpohọ iwou rai nyai kiẹzẹ.
23 Ohwo-akpọ o ve kpohọ iruo riẹ,O ve ru iruo te owọwọ.
24 Eware nọ who ru no i bu kẹhẹ, O Jihova!+
Areghẹ who ro ru ai kpobi.+
Eware nọ who ru e vọ otọakpọ na.
25 Abade ọ rrọ etẹe ruaro jẹ rrọ kẹkẹe,Eware nọ i wo uzuazọ nọ a rẹ sai kele mu hu, te esese te ilogbo e vọ riẹ eva.+
26 Ekọ ilogbo i bi bi ei,Whọ tẹ jẹ ma Levayatan*+ re ọ jọ eva riẹ zaharo.
27 Aikpobi a rẹ hẹrẹ owhẹRe whọ kẹ ae emu rai evaọ ezi kpobi.+
28 Oware nọ whọ kẹ rai a rẹ re.*+
Nọ who te rovie abọ ra, whọ rẹ kẹ ae eware iwoma buobu.+
29 Nọ whọ tẹ kuọ ovao ra dhere, uye o rẹ bẹ ae.
Who te mi ai ẹzi rai, a re whu je zihe kpohọ ovu.+
30 Otẹrọnọ who vi ẹzi ra, a rẹ ziọ uzuazọ,*+Yọ who re ru otọ na kpokpọ.
31 Oruaro Jihova o te jọ bẹdẹ bẹdẹ.
Jihova ọ te wereva fiki iruo riẹ.+
32 O te rri otọakpọ na, u re nuhu;Ọ tẹ rọ obọ te igbehru na, i re kuye iwiri.+
33 Mẹ te so ile jiri Jihova+ evaọ edẹ uzuazọ mẹ kpobi;Mẹ te so ile jiri* Ọghẹnẹ mẹ evaọ etoke uzuazọ mẹ kpobi.+
34 Jọ eware nọ me bi roro e jọ enọ e rẹ were owhẹ.*
Mẹ te ghọghọ fiki Jihova.
35 Erahaizi na a ti whu no otọakpọ na,Yọ irumuomu na a te gbẹ jọ uzuazọ họ.+
Jọ me* jiri Jihova. Wha jiri Jah!*
Eme-Obotọ
^ Hayo “ọghọ.”
^ Hayo “ruru oma ra wọhọ ohọ.”
^ Evaọ Hibru, “evaọ ame obuobu na.”
^ Hayo “O te jọ deghe deghe he.”
^ Hayo “ewu.”
^ Hayo “ito.”
^ Evaọ Hibru, “Ewhri.”
^ Hayo “oke sa-sa nọ a fihọ.”
^ Hayo “Ikpohrokpo nọ e rrọ whẹvu.”
^ Hayo “a re kokohọ.”
^ Hayo “a rẹ ma ae.”
^ Hayo “Me ti kporo ile kẹ.”
^ Hayo o sae jọ nọ, “Jọ eware nọ me bi roro didi kpahe owhẹ e jọ enọ e rẹ were owhẹ.”
^ Hayo “Aleluya!; Halelujah!” “Jah” yọ ubro odẹ na Jihova.
