“Orẹwho o te kpareso orẹwho, uvie o te kpareso uvie . . . Enana kpobi yọ emuhọ eware nọ e te wha edada ze.”

Matiu 24:7, 8

“Eruẹaro erue buobu e te romavia a ve ti su ibuobu thọ; yọ fiki epanọ emuemu o ti vihọ, uyoyou ibuobu u ti kiekpo.”

Matiu 24:11, 12

“Nọ wha te yo edo emo gbe usi emo, jọ ozọ u mu owhai hi; eware nana e rẹ via hrọ, rekọ ekuhọ na o ri te he.”

Mak 13:7

“Etọ i ti nuhu gaga, yọ no oria ruọ oria ohọo u ti mu avọ ikpeyao nọ e te jọ; ahwo a te ruẹ eware idudu yọ eka ilogbo i ti no ehru ze.”

Luk 21:11

 “Rekọ riẹ onana inọ evaọ edẹ urere na, oke obẹbẹ nọ o rẹ bẹ ẹria o te jọ. Keme ahwo a ti you omobọ rai, you ugho, seha, wo omorro, ta eme-aghọ, ghẹmeeyo kẹ esẹgbini, kare uyere-ọghọ, a ti ru ẹme rai gba ha, a ti wo uyoyou kẹ ibe ahwo-akpọ rai hi, a te rọwo ru ọtamuo ho, a te ta ahwo raha, a ti wo oma-onyẹ hẹ, a ti mu ofu-ọkpoo, a ti you oware uwoma ha, a ti vivie ahwo, veghe uzou, fu uke avọ omorro, a ti you omaweromẹ viukpenọ a re you Ọghẹnẹ, a ti ru wọhọ ẹsenọ a be gọ Ọghẹnẹ rekọ a be rọ uruemu rai dhesẹ nọ a siọ ogaga riẹ.”

2 Timoti 3:1-5