Ilezi 39:1-13
Ro se ọnọ o wuzou ile na; orọ Jedutọn.*+ Ole Devidi.
39 Mẹ ta nọ: “Mẹ te kpọ ithihi mẹRe mẹ gbẹ rọ ẹrọo mẹ raha uzi hi.+
Mẹ te gba unu mẹ di+Evaọ ẹsikpobi nọ ohwo omuomu ọ rrọ kugbe omẹ.”
2 Me fibo jẹ fare unu mẹ;+Mẹ ta ẹme ọvuọvo ho makọ kpahe oware uwoma,Rekọ edada mẹ e jọ gaga.*
3 Udu mẹ u je kuye iwiri* evaọ obeva.
Nọ mẹ be romatotọ roro kpahe onana,* yọ erae na e gbẹ be to.
Kẹsena ẹrọo mẹ ọ tẹ ta ẹme, inọ:
4 “O Jihova, fiobọhọ kẹ omẹ riẹ epanọ ekuhọ uzuazọ mẹ ọ te jọ,Gbe epanọ edẹ mẹ i ti bu te,+Re mẹ ruẹse riẹ epanọ uzuazọ mẹ o kpẹre te.*
5 Evaọ uzẹme, who ru edẹ uzuazọ mẹ kawo gaga;*+Yọ ikpe uzuazọ mẹ i te oware ovo ho evaọ aro ra.+
Uzẹme riẹ họ, ohwo kpobi ọ wọhọ ẹwẹ gheghe nọ a ku ze, o tẹ make wọhọ nọ oma o fọ riẹ dede.+ (Silah)
6 Evaọ uzẹme, ohwo kpobi nọ ọ be nya ọ wọhọ uwoho.
Oma nọ ọ be họrọ na kpobi* uvrẹvru.
O bi koko efe họ, yọ ọ riẹ ohwo nọ ọ te re erere rai hi.+
7 Kọ eme me re gbe rẹro riẹ, O Jihova?
Whẹ ọvo họ ẹruore mẹ.
8 Siwi omẹ no izieraha mẹ kpobi.+
Whọ kuvẹ re ohwo ogheghẹ ọ rọ omẹ jijehwẹ hẹ.
9 Me fibo ọvo;Mẹ sai rovie unu mẹ hẹ,+Keme obọ ra onana u no ze.+
10 Si uye nọ whọ kẹ omẹ na no.
Ẹgba ọvo ọ gbẹ rrọ omẹ oma ha keme obọ ra o tehe omẹ.
11 Whọ rẹ kẹ ohwo nọ o ru thọ uye rọ kpọe vi;+Whọ rẹ raha eware riẹ nọ o rri ghaghae no wọhọ epanọ emera i re ru na.
Evaọ uzẹme, ohwo kpobi ọ wọhọ ẹwẹ gheghe nọ a ku ze.+ (Silah)
12 Yo olẹ mẹ, O Jihova,Gaviezọ kẹ ubo mẹ rọkẹ obufihọ.+
Who ku ovao ra kufiẹ kẹ irui-oviẹ mẹ hẹ.
Keme mẹ yọ ọrara gheghe kẹ owhẹ,+Ohwo nọ o bi kpohọ erẹ nọ ọ be nyavrẹ,* nwane wọhọ epanọ o jọ kẹ esẹ-esẹ mẹ kpobi.+
13 Si ibiaro ra nọ whọ tọvi omẹ na no re mẹ sasa ovaoTaure mẹ tẹ te nyavrẹ, nọ mẹ gbẹ te jọ họ.”
