Ilezi 83:1-18
Ole. Olezi Esaf.+
83 O Ọghẹnẹ, who du fibo ho;+Whọ fọ ọvo ho,* yọ who mudhe oria ovo ho, O Ọghẹnẹ.
2 Keme rri! ewegrẹ ra a bi ru edo ozighi;+Enọ i mukpahe owhẹ a be wọ oma kpehru.*
3 A be jọ eria nọ i siomano rọ ẹghẹ ma omaa umuomu kpahe ahwo ra;A be gba ẹgwae omuomu kpahe ahwo ọghaghae ra.*
4 A be ta nọ: “Wha nyaze re ma raha orẹwho rai no,+Re a gbẹ kareghẹhọ odẹ Izrẹl ofa ha.”
5 A ma omaa ovo kugbe no;*A ta mu* no inọ a te họre owhẹ+
6 Iwou-udhu Edọm avọ ahwo Ishmẹl, Moab+ gbe ahwo Hega,+
7 Gibal avọ Ammọn+ gbe Amalẹk,Filistia,+ te ahwo nọ a be rria Taya.+
8 Yọ Asiria+ omariẹ o kuomagbe ai no;A bi fiobọhọ* kẹ emezae Lọt.+ (Silah)
9 Ru ai epanọ who ru Midian,+Epanọ who ru Sisera avọ Jabin na evaọ oko* Kaeshọn.+
10 A kpe rai evaọ Ẹn-dọr;+A te zihe ruọ emaniọ rọkẹ otọ na.
11 Ru ikpahwo rai epanọ a ru Orẹb avọ Ziyẹb+Je ru ikpahwo-esuo* rai wọhọ Ziba gbe Zalmuna,+
12 Keme a ta nọ: “Joma rehọ ẹkwotọ nọ Ọghẹnẹ ọ be rria na no.”
13 O Ọghẹnẹ mẹ, ru ai wọhọ enwẹnwẹ nọ ofou o bi fou kurẹriẹ,*+Wọhọ ẹbe ọyaya nọ ofou ọ be wọ kpenẹ avọ enẹ.
14 Wọhọ erae nọ e rẹ to owhawho no,Wọhọ ebruerae nọ e rẹ to igbehru,+
15 Rehọ okpofou ra le ai+Rehọ ofou ọwhibo ra ru ozọ mu ai.+
16 Rehọ omovuọ ruru ai* ovao,Re a ruẹse gwọlọ odẹ ra, O Jihova.
17 Jọ a ru oma vuọ ae re iguegue e ruọ ae oma bẹdẹ bẹdẹ;Jọ a kpomovuọ họ ae oma re a je whu;
18 Jọ ahwo a riẹ nọ whẹ, ọnọ odẹ riẹ o rrọ Jihova,+Whẹ ọvo họ Ọnọ Ọ Mai Kpehru vi otọakpọ na kpobi.+
Eme-Obotọ
^ Hayo “siọ ẹme ba ẹta ha.”
^ Hayo “a be kpare izou rai kpehru.”
^ Evaọ Hibru, “ahwo ra nọ whọ ko dhere.”
^ Hayo “A re ọvọ.”
^ Evaọ Hibru, “A rọ udu ovo jiroro kugbe.”
^ Evaọ Hibru, “A zihe ruọ ugbobọ no.”
^ Hayo “uto.”
^ Hayo “isu.”
^ Hayo “ẹbe nọ ofou o bi fou ghelie kurẹriẹ.”
^ Evaọ Hibru, “vọ ae.”
