Ilezi 132:1-18
Ole Ẹgadiẹ-Kpehru.
132 O Jihova, kareghẹhọ DevidiGbe uye kpobi nọ u te rie;+
2 Epanọ o ro duwu iyei kẹ Jihova,Epanọ ọ rọ ya eyaa kẹ Ọnọ Ọ Rrọ Ọgba Jekọp, inọ:+
3 “Mẹ te ruọ eva uwou-udhu mẹ hẹ, uwou mẹ.+
Me ti kiẹzẹ agbara othethei mẹ hẹ, ehwa mẹ;
4 Mẹ te rọ owezẹ te ẹro ho,Yọ mẹ te fare ibiaro mẹ hẹ
5 Bẹsenọ mẹ rẹ ruẹ oria kẹ Jihova,Emamọ oria* nọ Ọnọ Ọ Rrọ Ọgba Jekọp na ọ rẹ rria.”+
6 Rri! Ma yo kpahe Etehe Ọvọ na* evaọ Efrata;+Ma ruẹ e riẹ evaọ etọ obọ owhawho na.+
7 Joma nyaze oria nọ ọ be rria;*+Joma guzou kpotọ evaọ aro akpala nọ ọ be rọ awọ riẹ kpahe.+
8 Kparoma, O Jihova, re whọ nyaze oria eriosehọ ra,+Te owhẹ te etehe ọvọ ẹgba ra.+
9 Jọ izerẹ ra a rọ ẹrẹreokie gọ ẹgọ,Jọ enọ i bi yoẹme kẹ owhẹ a bo ubo oghọghọ.
10 Fiki Devidi odibo raIvie, whọ siọ ọnọ who wholo ho.*+
11 Jihova o duwu iyei kẹ Devidi no;Yọ o ti nwene ẹme riẹ vievie he, onọ ọ ta nọ:
“Mẹ te rehọ ọmọ* ra jọKeria agbara-uvie ra.+
12 Otẹrọnọ emezae ra a koko ọvọ mẹGbe ekareghẹhọ mẹ nọ me bi wuhrẹ ai,+Emezae ae omarai reA te keria agbara-uvie ra bẹdẹ bẹdẹ.”+
13 Keme Jihova ọ salọ Zayọn no;+U si rie urru nọ ọ rẹ rria etẹe, ọ ta nọ:+
14 “Etenẹ họ oria eriosehọ mẹ bẹdẹ bẹdẹ;Etenẹ mẹ te rria,+ keme ere mẹ gwọlọ.
15 Mẹ te rọ eware buobu ghale iẹe;Mẹ te kẹ iyogbe nọ e rrọ eva riẹ ebrẹdi nọ a te re bẹ.+
16 Mẹ te rọ esiwo gọ izerẹ riẹ ẹgọ,+Yọ enọ i bi yoẹme nọ e rrọ etẹe a ti bo ubo oghọghọ.+
17 Etẹe me ti jo ru ẹgba* Devidi dhe ẹgẹga.
Mẹ ruẹrẹ ukpẹ họ kẹ ọnọ me wholo na no.+
18 Me ti ku omovuọ họ oma ewegrẹ riẹ wọhọ ewu,Rekọ etu-uvie* nọ ọ rrọ uzou riẹ o ti woma gaga.”+
